"තවද, මැතිවරණ ක්‍රියාවලිය මෙහෙයවීමේ දී නීති බලාත්මක කිරීම හා සුරක්ෂිත කිරීම ද වාර්ෂික පාලන / මැතිවරණ/ ඡන්ද විමසීම් වාර්තා පාර්ලිමේන්තුවට ඉදිරිපත් කිරීම ද හැර වෙනත් වගකීමට මැතිවරණ කොමිෂන් සභාව බැඳී නැති බව විශේෂිත කාරණයකි." (Election Commission)
පාර්ලිමේන්තුවෙහි 2017 සැප්තැම්බරයේදී සම්මත කෙරුණු අංක 17 දරණ පළාත් සභා මැතිවරණ (සංශෝධිත) පනත මේ වන විට පූර්ණ වශයෙන් බලාත්මක කෙරුණක් ද?
පිළිතුර “ඔව්” නම්, මැතිවරණ කොමිසම 2017 සිට මෙතෙක් වසර 10 ක් පමණ පළාත් සභා මැතිවරණ නොපවත්වා සිටින්නේ කවර කාරණයක් නිසා වෙන්ද?
පිළිතුර “නැත” නම්, මෙතුවක් කල් තවමත් බලාත්මකව පැවතිය යුතු 1988 අංක 02 දරණ පළාත් සභා මැතිවරණ පනත යටතේ මැතිවරණ කොමිසම, මැතිවරණ නොපැවැත්වූයේ ඇයි?
පාර්ලිමේන්තුවේ සම්මත කරනු ලබන නීති ප්‍රතිපාදන අනුව පාර්ලිමේන්තු තේරීම් කමිටුව විසින් කරනු ලබන නිර්දේශ මත පළාත් සභා මැතිවරණ පැවැත්වීමට, මැතිවරණ කොමිසම බලා සිටිය යුත්තේ ඇයි? පාර්ලිමේන්තුව කෙදිනක හෝ ඔවුන්ට මනාප අයුරු නීති සම්මත කරන තෙක් පළාත් සභා මැතිවරණ පැවැත්වීම සඳහා බලා සිටින්නට මැතිවරණ කොමිසමට කිසිදු නෛතික හෝ දේශපාලන බැඳීමක් ඇත්තේ නැත.
(සටහන | කුසල් පෙරේරා)
ප්‍රවීන දේශපාලන විචාරක හා ජ්‍යෙෂ්ඨ මාධ්‍යවේදී
kusal.perera@gmail.com
2026 මැයි 27 වන දින
