2024 වර්ෂයේ ඊට අනුරූප කාර්තුවේදී වාර්තා වූ රුපියල් මිලියන 603 ක ලාභය හා සසඳන විට මෙය තියුනු ප්‍රතිලෝමයක් සනිටුහන් කරන අතර, වසරින් වසර ලාභදායිතාවයේ 4,929% ක පහත වැටීමක් පිළිබිඹු කරයි.
මේ අතර, සම්පූර්ණ 2025 වර්ෂය සඳහා CEB හි මුළු පාඩුව රුපියල් බිලියන 38.73 ක් ලෙස සදහන්වේ.
2025 වසරේ එලස පාඩු වුවද 2024 මූල්‍ය වර්ෂය සඳහා වාර්තා වූ මුළු රු බිලියන 141.60 ක ලාභයකි , බිලියන 100 ඉක්මවූ ලාබයක් 127% කින් පාඩුවක් බවට හැරවීම ගන්නා ලද තීන්දු තීරණ මොනවාදැයි රජය විසින් සොයා බැලිය යුත්තේ මෙවැනි ආයතන රජයටත් ජනතාවට දැවැන්ත බරක් වන නිසාය.
මේ වසර තුළ මෙහයුම් අලාභය රුපියල් මිලියන 26,125 ක වාර්තා වී ඇති අතර පෙර වසරේදී CEB විසින් රුපියල් මිලියන 159,830ක මෙහෙයුම් ලාභයක් වාර්තා කර තිබුණු පසුබිමකයි. මේ අයුරින් මෙහෙයුම් ලාබය අලාබයක් වී තිබියදී, පරිපාලන වියදම් පෙර වසරට වඩා 50%කින් ඉහළ ගොස් තිබීම පරිපාලනයෙ දක්ශතාවය හා කළමණාකාරීත්වය මොනවාට පිළිබිඹුකරයි.
මතක තබා ගන්න මේ පාඩුව ගල් අගුරු වංචාවෙන් සිදු වූ පාඩුවට පෙර පාඩුව බව එම පාඩුව මේ වසරේ මැද වන විට අපිට මූල්‍ය වාර්ථාවලින් දැක ගැනීමට හැකි අතර එහි ප්‍රතිඵල ඔබගේ විදුලි බිලෙන් ඔබට දැකගැනීමට හැකි වනු ඇත. එමෙන්ම පවතින යුදමය තත්වයන් හේතුකොට ගෙන තෙල් මිල ඉහලයෑම් නිසා පිරිවැය ඉහලයෑමක් ඉදිරියේදී වාර්ථාවිය හැකි අතර එයද අපගේ විදුලි බිලට එකතුවනු ඇත. ඒ අනුව සැලකිය යුතු මුදලකින් විදුලි බිල වැඩිකිරීමට නියමිතය. එසේ නොමැතිව ආණ්ඩුවට IMF වැඩසටහන තුළ ඉදිරියට යෑමට නොහැක මේ බර ජනතාව මත පැටවීමට නියමිතය. එම බර ගැන මේ දැවැන්ත මුල්‍ය පාඩු වංචා අපරාධ ගැන වෘත්තීය සමිති මුනිවත රකින අතර විශයබාර ඇමති මෙන්ම අමාතංශයද අන්ද ගොලු බිහිරි ව ඇත.
ප්‍රතිසංස්කරණ නොමැතිව, හෝද හෝදා මඩේ දමමින් පැලැස්තර නියායට අනුකූලව තව කොපමණ කලක් මෙවැනි ආයතන ජනතාව මත බර පටවමින් ගෙනයාහැකිද?
මේවා දැවැන්ත පිපිරීමක් විශාල ආර්ථික අර්බුදයක් ලෙස පැමිණිමට හැකි බවට බලදාරීන් නිලදාරීන් මතක තබාගත යුතුය. උගත් පාඩම් පිළිබදව මනා අවබෝදයක් නැති ව අනාගතයක් නොමැත.
සම්පූර්ණ වාර්ථාව මෙතනින්
(වචන | ජනත් පෙරේරා)
Assistant Manager (Communication) - Advocata Institute
janath@advocata.org
