69 ලක්ෂයේ ඡන්ද පදනම හැදුණේ කොහොම ද...? - දීප්ති කුමාර පැහැදිලි කරයි - Ideas front වීඩියෝවක්

ඔහුට අනුව ඓතිහාසික වශයෙන් මෙබඳු ඡන්ද පදනමක් ලංකාවේ බිහිවීමට හේතු පාදක වී තිබෙන්නේ ශ්‍රී ලංකා නිදහස් පක්ෂයත්, එක්සත් ජාතික පක්ෂයත් එක් එක් අවධිවල ඔවුන් සමග සම්බන්ධ වූ: සමාජ කණ්ඩායම්, සමාජ තීර සහ සමාජ පංති කලකිරීම, අදාළ පක්ෂ ප්‍රතිව්‍යුහගත නොවීම සහ අලුතින් බිහිවන අය වෙත නායකත්වය ලබා නොදීම යනාදිය බවයි.

මෙම තත්ත්වය ‘‘පාවෙන හැඟවුම්කාරකය’’ ලෙස හැඳින්විය හැකි බව ද හෙතෙම පැවසී ය.  

ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ yuotube නාලිකාව සමග පැවැත්වූ සාකච්ඡාවකට  සහභාගි වෙමිනි.

එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ: ලංකාවේ අධ්‍යපානය තුළින් ජනතාව වෙත ලබා දී ඇත්තේ තරගකාරිත්වය පමණක් බවත්, ඒ වෙනුවට මිනිසුන්ගේ සංශ්ලේෂණ සහ විශ්ලේෂණ භාවය වර්ධනය කර සමාජයක් ලෙස වැඩ කළ යුත්තේ කෙසේ ද යන්න පිළිබඳ අදහසක් ජනතාව වෙත ලබා නොදී ඇති බවයි.

මතු දැක්වෙන්නේ අදාළ සාකච්ඡාව ඇතුළත් සම්පූර්ණ විඩියෝව යි.

සාකච්ඡාව මෙයෙවනු ලබන්නේ මාධ්‍යවේදී නාරද බක්මීවැව විසිනි.

(සටහන | ජයසිරි අලවත්ත)