ඔවුන් ඉස්සර හිටපු ධනපතියා විනාශ කළ යුතුයි කියන මානසිකත්වයේ සිට ව්‍යවසායකයා රැකගත යුතුයි කියන යථාර්ථවාදයට පිවිසෙමින් සිටිනවා. මේ අවබෝධය සමාජ ක්‍රමය හරහා පැතිරෙන්නට ඕනැ. විශේෂයෙන්ම පුද්ගලයන් සිරගත කිරීමෙන් රට සංවර්ධනය කළ හැකි බව සිතා සිටින අංශවල අයට මේ අවබෝධය අත්‍යවශ්‍යයි.
මතකද, අර්ජුන් ඇලෝසියස්ට කළ දේ. මොන ව්‍යවසායකයෙකුට වුණත්, දඩ ගහලා, හිරේ දැම්මාම වෙන්නෙ ඒ ව්‍යාපාරය කඩා වැටීම වෙන්න පුළුවන්. එතකොට තවත් විශාල පිරිසකට රැකියා අහිමි වෙනවා. සමස්තයක් ලෙස, ආර්ථිකයට බලපානවා.
ලංකාව කියන්නෙ ප්‍රජාතන්ත්‍රවාදයේ උතුරුකුරු දිවයින නෙමෙයි. එක්සත් ජාතීන්ගේ සංවිධානයට ඒ රෝල් මොඩල් සමෘද්ධිමත් රටවල හදාගන්නට ඉඩ දෙන්න.
පෙට්‍රල් ලීටර් හතරක් ළඟ තබාගත්තාය කියලා 48 හැවිරිදි මිනිහෙකුට රු. 1500ක් දඩ ගහලා, ඒ වගේ බොහෝ ගුණයක මහජන මුදලින් හිරේ තියාගෙන ඔහුවත්, පවුලත් විනාශ කරන ජාතියෙ වැඩ කරන සිස්ටම් එකකට පවතින්න බැරි බව අවබෝධ කරගන්න.
වෛරයෙන් මිදෙන්න. යථාවබෝධය තව තවත් ලබා ගන්න. ඇවිදින පුස්තකාල වෙනුවට ප්‍රායෝගික නායකයන් වෙන්න.
(සටහන | අජිත් පැරකුම් ජයසිංහ)Creative Content Consultants
ajithperakum@gmail.com
උපුටා ගැනීම - Ajith Parakum ෆේස්බුක් පිටුවෙන්..
