හැබැයි, ඩඩලි නැතුව ලංකාවට බත් කන්න වෙන්නෙ නැහැ දැන්.
ඩඩ්ලි ළඟ විශාල පිරිසක් රැකියා කරනවා. වක්‍රව රැකියා කරන, ව්‍යාපාර කරන විශාල පිරිසකුත් ඉන්නවා. ඩඩ්ලි ආර්ථිකයේ වැදගත් පුරුකක්.
ඩඩ්ලි දැන් වයසක මිනිහෙක්. එයා සතුටු වෙන දේවල් තියෙනවා. කාටවත් කරදරයක් නැතිනම්, එයාට ඒවයින් සතුටු වෙන්නට දෙන එකේ වරදක් නැහැ. ඒක ආර්ථිකයටත් හොඳයි.
කාර් ගේන හැමෝම අපේ රටේ ඩොලර් පිටරටට පටවනවා. ඒ අය විතරක් නෙමෙයි, විදේශ විශ්වවිද්‍යාලවල ඉගෙනගෙන ඒ රටවල අනාගතයක් හොයාගෙන යන අයත් අපේ ඩොලර් පිටරට පටවනවා. ඔව්, ඒ ඩොලර් වැඩිපුර උපයන්නෙ මැදපෙරදිග එහෙම දුක් විඳින ශ්‍රමිකයන් තමයි.
ආර්ථිකයක් පවතින්නෙ ඔහොම තමයි. එහි පැවැත්මට ඔබේ මගේ වගේම ඩඩ්ලිලාගේ සතුටත් වැදගත්. කරදරයකින් තොරව, අපට දරාගත හැකි මට්ටමින් සතුටු වෙනවා නම්, ඒක පාරිභෝජනවාදය වෙන්නෙ නැහැ.
(සටහන | අජිත් පැරකුම් ජයසිංහ)
Creative Content Consultants
ajithperakum@gmail.co
(මෙම ලිපිය praja.lk හි පලවූවකි)
