'බැන බැන ඉන්න එපා. ඉගෙන ගන්න, වැඩ කරන්න, හම්බු කරන්න' යනු ලංකාවෙ වමේ පාඨය වෙලා තියෙනවා.
ලෝකයේ සාමය දිගු කලක් පැවතීම සඳහා න්‍යෂ්ටික අවි නිපදවීම ලොකු හේතුවක් වුනා කියල මං අහලා තියෙනවා. ඒ වගේම ලංකාවෙ නව ලිබරල් ධනේශ්වර මතවාදය පොලොවෙ පැල කරන්න මාලිමා ආන්ඩුව බලයට පැමිනීම හේතුවක් වුනා.
ධනවතුන්ට ඊර්ශ්‍යා නොකරන්න.. මාක්සියානු දර්ශනය ඇසුරින් වමේ යාලුවො අපිට කියා දෙනවා.
76 වසරක සාපය කියාගෙන බලයට ආපු මාලිමාව දැන් 76 වසරක ආශ්චර්යය පෙන්වමින් ඉන්නවා. තඹුත්තේගමෙන් අවුරුදු දහයක් වගේ කාලයක් ඇතුලත කෝටිපතියන් බිහිවෙනවා වගේම ළමයෙකුගෙ කොටහළු මගුලකිනුත් ලක්ෂ විසිපහක් තිහක් හොයාගන්න පුළුවන් ආර්ථිකයක් මේ රටේ පවතිනවා කියල ඇස්පනා පිට ඔප්පු කරලා තියෙනවා. ලෝන් ලීස් මොකුත් නැති සුද්ද ධනය උපයන දිළින්දො ඉන්නවා.
දුප්පත්කම කියන්නෙ මනෝභාවයක් කියල කියද්දි වමේ යාලුවො අපිට හිනාවුනා. ඇත්තටම දුප්පත්කම කියන්නෙ රගපෑමක්. ලංකාවෙ දුප්පත්ම විදිහට ඉඳලා ඉල්ලගෙන යැපුනු මිනිස්සු පවා මේ රටේ කෝටිපති, ලක්ෂපති ව්‍යවසායකයො.
මාලිමාවෙ අවුරුද්දක් ගතවීම ගැන මගේ උණුසුම් සුබපැතුම්. අපි තව ඉස්සරහට යමු. තව වැරදි තියෙනවා නිවැරදි කරන්න. තමන් අතින් රටට සිදුවූ වරද නිහතමානීව අතින් විළිවසාගෙන නමුත් නිවැරදි කරන සහෝදරයන්ට මගේ හිතේ තියෙනවා අවංක ආදරයක්.
(සටහන | චින්තන ධර්මදාස)
දේශපාලන හා සමාජ විශ්ලේෂක
අධ්‍යක්ෂ - facultyofsex
vyadhadeva@gmail.com
(උපුටා ගැනීම -Chinthana Dharmadasa ෆේස්බුක් පිටුවෙන්..)
2025 සැප්තැම්බර් 22
