අඩුම තරමෙන් ඒක තමයි මගේ ඇත්ත.
ඉංග්‍රීසියෙන් කියවන්න බැරි කාලෙ අපිට විශාල සංස්කෘතියක් විවෘත කලේ පරිවර්තන කෘතිවලින්. අපි ජීවිතේ ගැන හිතන හැටි, දකින හැටි, විඳින හැටි හැමදෙයක්ම මේ පරිවර්තන වලින් වෙනස් කළා.
නමුත්, සෝවියට් පරිවර්තනවල නොපෙනුනු ප්‍රොපගැන්ඩාවෙ හිරවෙලා හිටපු අපිට ඒ සමාජවාදී හිරගෙවල්වලින් එලියට එන්න පාර පෙනුනෙ ගාමිනී වියන්ගොඩ වගේ අය කරපු වෙනස් පරිවර්තන හින්ද. විශේෂයෙන් ලිබරල් පුද්ගල ජීවිතයක අමුතු අමුතු හැඩතල ඒ පරිවර්තන ඔස්සේ මැවුනා.
ගාමිනී අයියව අදුරගන්න ලැබුනෙ ඊට ගොඩක් පස්සෙ. ස්ටයිල් එකක් තිබුනු ලේඛකයෙක් විදිහට ගාමිනී අයියා මට ආකර්ශනීය චරිතයක් වුනා. වෙන කිසිම දේකට වඩා මං මිනිස්සුන්ගෙ අගය කරන දෙයක් වෙන්නෙ තමන්ට සුවි‍ශේෂ විලාසිතාවක් තියෙන එක. වයසට යන්න යන්න ගාමිනී අයියාගෙ ඒ ජේත්තුකාර ගතිය තව වැඩිවුනා.
ඊටත් පස්සෙ ගාමිනී අයියත් එක්ක මධුවිත ඇසුරෙ ගෙවෙන අතිරමණීය සන්ධ්‍යාවන්ට එකතු වෙන්න ලැබුනා. බොන එක නම් අපි හැමදාම කළත් විවිධ දේ ගැන රස-බර කතා ඇසුරෙ ගාමිනී අයියා එක්ක සිකුරාදා හැන්දෑවෙ බීම කියන්නෙ වෙනම සංස්කෘතියක්.
මේ හැමදෙයක්ම මතක් වුනේ ඊයෙ අමතක වුනු ගාමිනී අයියාගෙ උපන්දිනේ හින්ද. 'ඔයා ආදරේ කෙනෙකුගෙ උපන්දිනේ අද' කියල යාලුවෙක් ඉන්බොක්ස් පනිවිඩයක් දාලා තිබුන.
තවත් බොහෝ දේ ලියන්න, බොහෝ දේ කියන්න, බොහෝ වතාවක් කතාබස් කරමින් බොන්න නිරෝගී බවත් නිර්මාණශීලීත්වයත් නොඅඩුව ලැබේවා කියල හදවතින්ම ප්‍රාර්ථනා කරනවා. 
(සටහන | චින්තන ධර්මදාස)
දේශපාලන හා සමාජ විශ්ලේෂක
අධ්‍යක්ෂ - facultyofsex
vyadhadeva@gmail.com
(උපුටා ගැනීම -Chinthana Dharmadasa ෆේස්බුක් පිටුවෙන්..)
