ඒත් මේ හැම සංවාදයකින්ම එලියට වැටෙන පිරිසක් ඉන්නවා. හරියට ඒ අය කාන්තාවන් නෙමෙයි වගේ. ඒ තමයි ලිංගික ශ්‍රමිකයන්. අපේ සාමාන්‍ය භාෂාවෙන් කියනවා නම් ගණිකාවන්.
මේ අය සමාජ අපවාදයට පත්වූ කාන්තාවන්. මේ අයගෙ වෘත්තියට අවශ්‍ය ගරුත්වය, අවශ්‍ය නිදහස සමාජයෙන් හෝ නීතියෙන් තවමත් ලැබී නෑ. ඉතා පැරණි අතීතයක පටන් පැවතගෙන ආවත් ඇයට ඒ ඉතිහාස උරුමයවත් අයිති නෑ. ඇය වෙනුවෙන් කිසිම ආන්ඩුවක්, කිසිම දේශපාලන පක්ෂයක් පෙනී සිටින්නෙ නෑ. කොටින්ම ස්ත්‍රීවාදීන් යැයි කියන අයවත් ඇයගේ වෘත්තීය අයිතීන් වෙනුවෙන් හඩ නගන්නෙ නැති තරම්.
ඇයත් කාන්තාවක්. ඇයගේ ශරීරය ඇගේ අයිතියක්. එය කෙසේ යොදාගත යුතුද යන්න ඇගේ තීරණයක්. සමාජයක් වශයෙන් ඇගේ ශ්‍රමයට ගරු කිරීම අපේ වගකීමක්. කාන්තා දිනයේ ලිංගික ශ්‍රමික වෘත්තියේ අයිතීන් ගැන මොහොතක් කල්පනා කරමු.
කොන් කරන ලද, අපවාදයට ලක් කරන ලද කාන්තාවන් වෙනුවෙන් නොවේ නම් කුමට එවන් කාන්තා දිනයක්!
(සටහන | චින්තන ධර්මදාස)
දේශපාලන හා සමාජ විශ්ලේෂක
අධ්‍යක්ෂ - facultyofsex
vyadhadeva@gmail.com
(උපුටා ගැනීම -Chinthana Dharmadasa ෆේස්බුක් පිටුවෙන්..
