ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ YouTube නාලිකාව සමග පැවැත්වූ සාකච්ඡාවකට සහභාගි වෙමිනි.
එය වැඩි දුරටත් විග්‍රහ කළ දීප්ති පැවසුවේ සමසමාජ සහ කොමියුනිස්ට් පක්ෂය බොහෝ දුරට එම පක්ෂවල සබඳතාව පවත්වා ගත්තේ වෘත්තිය සමිති මාර්ගයෙන් බවත්, පක්ෂයට පැමිණියේ ද එම වෘත්තිය සමිති සාමාජිකයා ම බවයි. නමුත් ජනතා විමුක්ති පෙරමුණ පිළිබඳ අවධානය යොමු කිරීමේ දී එම තත්ත්වය බොහෝ දුරට වෙනස් බව හෙතෙම අවධාරණය කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ ලංකාවේ දේශපාලනය ආරම්භ වන්නේ ම ඔවුනොවුන්ගේ පුද්ගලික මුදල් වියදම් කිරීමෙන් බවයි.
එස්. ඩබ්ලියු. ආර්. ඩී. බණ්ඩාරනායක මෙන් ම වමේ ව්‍යාපාරයේ බෙහෝ දෙනකු එම දේශපාලන ව්‍යාපාර ගොඩනගා තිබෙන්නේ තම තමන්ගේ දේපළ විකුණා ලබාගත් මුදලින් බව ඔහු තව දුරටත් පැහැදිලි කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
