ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ youtube නාලිකාව සමග පැවැත්වූ සාකච්ඡාවකට සහභාගි වෙමිනි.
මේ පිළිබඳ වැඩි දුරටත් අදහස් දක්වමින් දීප්ති පැවසුවේ මේ වන විට විපක්ෂයේ සිටින බහුතරයකට දේශපාලන දිශානතියක් නොමැති අතර ඔවුන් උපරිම උත්සාහ දරන්නේ හම්බ කරගැනීමට පමණක් බවයි.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ මාලිමා ආණ්ඩුව ව්‍යවස්ථාපිත ඒකාධිපති ආණ්ඩුවක් කරා ගමන් කරන බවයි.
ආසන 159ක් ඔවුන් සතුව පවතින බැවින් ඔවුන්ට ඕනෑම නීතියක් සම්මත කර ගැනීමේ හැකියාව පවතින බවත්, ඒ හරහා ව්‍යවස්ථාපිත ඒකාධිපති ආණ්ඩුවක් කරා ගමන් කිරීම ඉතාම වේගවත් බව ද ඔහු අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
