ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ YouTube නාලිකාව සමග පැවැත්වූ සාකච්ඡාවකට සහභාගි වෙමිනි.
මෙහි දි වැඩි දුරටත් කරුණු දක්වමින් දීප්ති කුමාර පැවසුවේ මාධ්‍යකරණය පිළිබඳ එබඳු උපාය මාර්ගික වැඩ පිළිවෙළක් වත්මන් ආණ්ඩුවේ දක්නට නොමැති බවයි.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ විසර්ජන කෙටුම්පතට අනුව සමස්ත වියදමින් 30%කට වැඩි ප්‍රමාණයක් වියදම් වන්නේ ජනාධිපතිවරයාගේ වියදම් වෙනුවෙන් බවයි.
මේ වන විට ආණ්ඩුවේ ඇමතිවරුන්ගේ ව්‍යාපෘති සියල්ල ම සමාජ මාධ්‍ය තුළ හාස්‍යයට ලක් කෙරෙමින් පවතින බවත් එබැවින් නුතන පරම්පරාව සමාජ මාධ්‍ය තුළ දේශපාලනය කරන්නේ කෙසේ ද යන්න පිළිබඳව සාකච්ඡාවක් ආණ්ඩුව තුළ පැවතිය යුතු බව ද හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
