ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ youtube නාලිකාව සමග පැවැත්වූ සාකච්ඡාවකට සහභාගි වෙමිනි.
ඒ සඳහා උදාහරණයක් ලෙස ඔහු පැවසුවේ පළාත් මට්ටමින්, දිස්ත්‍රික් මට්ටමින් පවතින නිති විරෝධී ක්‍රියා මැඩපැවැත්වීම සඳහා ඒ ඒ ප්‍රදේශ හෝ පළත් භාර පොලිස් නිලධාරින් සමග සම්බන්ධතා පැවැත්වීමට ආණ්ඩුවේ දේශපාලනඥයින් අසමත් වී ඇති බවයි. මේ වන විට එම නිලධාරින් සමග ආණ්ඩුවේ දේශපාලනඥයින් වෙනුවට සම්බන්ධතා පවත්වන්නේ විපක්ෂ නායකවරයාගේ ගෝලයින් බව ද හෙතෙම අවධාරණය කළේ ය.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ ලංකාවේ නිල බල තන්ත්‍රය තුළ නිලධාරිවාදයක් පැමිණියේ මධ්‍ය මහා විද්‍යාලවලින් පැමිණි පිරිස් මාණ්ඩලික තනතුරුවලට පත්වීමත් සමග බවයි.
මහජන සේවක පිරිසක් බවට පත්විය යුතු මෙම පිරිස මහජනතාවගේ ස්වාමිවරු ලෙස කටයුතු කිරීමට යෑම තුළ මෙම අර්බුදය මතූ වූවා යැයි විපුළ තව දුරටත් පැහැදිලි කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
