වික්ටර් අයිවන් ව කොටු කිරීමට උත්සාහ නොකළ බවත්, මහින්ද රාජපක්ෂ සමයේ සරත් ෆොන්සේකා හට සිර දඩුවම් ලබා දුන්න ද, හමුදා රහස් කිසිදු ආකාරයකින් පිටතට නොගිය බවත්, එසේ වූයේ ඒ සියලු දෙනා ම 'සදාචාරාත්මක සීමාව හෙවත් ඉර' පිළිබඳ ඔවුන් සියලු දෙනා දැන සිටි නිසා යැයි සමබිම පක්ෂයේ නායක දීප්ති කුමාර ගුණරත්න පැවසී ය.
ඔහු මෙම අදහස් පළ කළේ ‘‘අදහස් පෙරමුණ’’ හෙවත් ‘‘Ideas front’’ youtube නාලිකාව සමග පැවැත්වූ සාකච්ඡාවකට සහභාගි වෙමිනි.
එම සාකච්ඡාවට සහභාගි වූ දේශපාලන විශ්ලේෂක විපුල කරුණාතිලක පැවසුවේ දැනට සේවයෙහි නියුතු ජනාධිපතිවරයකු හිටපු ජනාධිපති ලේකම්වරයකුට විරුද්ධව අපරාධ පරීක්ෂණ දෙපාර්තමේන්තුව වෙත පැමිණිලි කළ පළමු පුද්ගලයා ලෙස වර්තමාන ජනාධිපති ලේකම් ඉතිහාස ගත වන බවයි.
මේ වන විට රජය කරමින් සිටින්නේ තමන්ට යමක් කිරීම අපහසු වන විට එහි වරද හිටපු රාජ්‍ය නිලධාරීන් මත පැටවීම යැයි ද හෙතෙම අවධාරණය කළේ ය.
මතු දැක්වෙන්නේ අදාළ සාකච්ඡාව ඇතුළත් සම්පූර්ණ වීඩියෝව යි.
සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන - ජයසිරි අලවත්ත)
