ඔහු මෙලෙස පැවසුවේ ‘‘අදහස් පෙරමුණ’’ හෙවත් ‘‘Ideas front’’ yuotube නාලිකාව සමග පැවැත්වූ සාකච්ඡාවකට සහභාගි වෙමිනි.
එම සාකච්ඡාවේ දී වැඩි දුරටත් අදහස් දැක්වූ දීප්ති කුමාර පැවසුවේ මේ වන විට කුලී පදනම මත විචාරකයින් පවා විදෙස්ගතවන තත්ත්වයට පත්ව ඇති බවයි.
අපි බොහෝ දෙනකු විදෙස්ගත ප්‍රජාව (රැකියා සඳහා) හඳුන්වන්නේ ‘‘විදෙස්ගත ශ්‍රමිකයො යනුවෙනි. රාජ්‍ය විසින් ඔවුන් ‘‘රට විරුවෝ’’ ලෙස හඳුන්වයි.
බහුතරයක් අය ඒ ආකාරයට මොවුන් හඳුන්වද්දී මෙම සාකච්ඡාවට සහභාගි වූ දේශපාලන විශ්ලේෂකයකු වන විපුල කරුණාතිලක විසින් එම පිරිස හඳුන්වනු ලැබුවේ ‘‘ආර්ථික සරණාගතයින්’’ යනුවෙනි.
විපුල විසින් ඔවුන් එලෙස හඳුන්වන්නේ ආර්ථික ප්‍රශ්න හේතුවෙන් විදෙස්ගත වූ අය නිසා යැයි ඔහු වැඩි දුරටත් පැහැදිලි කළේ ය.
මතු පළ වන්නේ දීප්ති කුමාර ගුණරත්න සහ විපුල කරුණාතිලක සහභාගි වූ එම විඩියෝ සාකච්ඡාව ය. සාකච්ඡාව මෙහෙයවනු ලබන්නේ මාධ්‍යවේදී නාරද බක්මීවැව විසිනි.
(සටහන | ජයසිරි අලවත්ත)