නැත්නම් පසුපස පාදයේ ආරක්ෂිතව ගහන්න තීරණය කිරීම. සජිත් පැත්තෙන් ඒක වැරදියි කියල කියන්න බැහැ.
සජිත්ට කාලය තියනවා වගේම එයා කාලය ගනිමින් ඉන්නවා. මොකද ලංකාවේ ජනප්‍රිය ආණ්ඩුවක් ඇවිල්ල තව ගතවුනේ වසරක් විතරයි. ඒ නිසා එයා මාලිමාවට කාලය දෙමින් ඉන්නවා. ඕනෑම දෙයක ජනප්‍රියබව කාලයත් එක්ක අඩුවෙනවා කියල එයා දන්නවා. අඩුතරමේ එයා දන්නේ නැතත් උපදෙස් දෙන අය දන්නවා ඇති.
අනික් අතින් එයා හදිස්සි වෙලා ආණ්ඩු පෙරළන්න යන්නේ නැහැ. මොකද සියල්ල මෙහෙම සෙමින් සිදුවේගෙන යද්දී එයාගේ ප්‍රභලම ප්‍රතිවාදියා සහ 'අනෙකා' වන රනිල් වයසට යනවා. අනික මේ ධමනි හිරවීමක් ගැන කියන නිසා මුකුත් හරියට තීරණය කරන්නත් බැහැ. මම නම් ඔය ධමනිය නිසා රනිල් අවතක්සේරු කරන්නේ නැහැ. එහෙම කරන්න පුළුවන් කෙනෙක් නෙවෙයි ඔය හාදයා.
සජිත්ට මෙහෙම වෙන්න වෙනත් මම නොදන්නා ප්‍රශ්නත් ඇති...
මේ සජිත්ගේ 'අමුතු නිෂ්ක්‍රීය බව' කියන කරුණ විතරක් ගත්තත් මේ වෙද්දී විපක්ෂය ගොඩක් බෙලහීන වෙන්න සජිත්ගේ මේ දියාරු ප්‍රවේශය බලපාල තියනවා.
එයාලගේ පක්ෂේ අය වැඩිදුරටත් කියන්නේ විරුද්ධ වෙන්න ඕනි නිසාම විරුද්ධ වෙන්න ඕනි නැහැ කියල. මම හිතන්නේ ආණ්ඩුවේ අය ඒ පෝස්ට් ෂෙයාත් කරනවා. ඒ නිසා මගේ උපකල්පනය නම් ආණ්ඩුව කැමතියි සජිත් විපක්ෂ නායක වෙලා ඉන්නවට.
මම තවත් ඉස්සරහට ගිහින් කියනවා නම් ආණ්ඩුවට ඕනි උණොත් සජිත්ගේ සහයෝගය උනත් ලැබෙයි. මොකද මෙතනින් ගැලවුනොත් ආයේ සජිත්ට දේශපාලනයක් ඉතුරු වෙන්නේ නැහැ. ඒ නිසා සජිත් දැනට නිෂ්ක්‍රීයව ඉන්නවා.
මෙන්න මේ නිෂ්ක්‍රීය තැනදී තමයි නාමල් සජිත්ව ඕවර්ටේක් කරන්නේ.
එතැනදී නාමල් සහ රනිල් වගේ අය මෙයාල නිසා යම් ආත්මීය රිදවීමක් (hurt) එක්ක දේශපාලනය කරන අය. හිරේ විලංගුවේ වැටීම වගේම චෝදනා යන හැම කලාපයකින්ම එයාලට රිදවීමක් වෙලා තියනවා (ඇත්තට හෝ බොරුවට). නමුත් සජිත්ට එහෙම අකරතැබ්බයක් මෙච්චර කාලෙකට මාලිමා ආණ්ඩුව කරලා නැහැ. ඕනිනම් බුකියේ බැනල ඇති.
සජිත් මේ වෙලාවේ නොගන්නා අවදානමක් නාමල් ගන්නවා. හෝ ගැනීමට සුදානමෙන් ඉන්නවා.
නාමල් උඩට එනවානම් එන්නේ අන්න ඒ ගන්න දේශපාලන අවදානම එක්ක. සහ නාමල් යම් ප්‍රබුද්ධ බවකින් දේශපාලන වෙත අවතීර්ණ වෙමින් ඉන්නවා. එතනදිත් නාමල් සජිත්ට ඉස්සරහින්.
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
