ක්ලැරන්ස් දෙපැත්තෙන් ඉන්න රාජු සහ අනික් කෙනා ඒ දවස්වල බෑන්ඩ් අය අඳින සුදු ඇඳුමින්. ෆෝචූන්ස් ටයිප් එකට. රාජුගේ පැත්තෙම ඉන්න අනික් කෙනත් එහෙමයි. ගාණක් නැහැ. ඩීසන්ට්-කැෂුවල් වෙස්ටන් පැත්තට බරයි.
බලන්න වමේ කෙලවරේම ඉන්න චරිතය. අනික් අයගෙන් දශමයක් ඈතින්. ස්ටෑන්ඩ් අවුට්. ඇස් වල තියෙන්නේ කඩාගෙන යන්න ඕනි ගතියක්. ඇඳුම මම ආස ක්ලැරන්ස්ගේ 'කූල් වෙස්ටන්' විදිය නෙවෙයි. අනික් අය ඉන්න සුදු ඇඳුමිනුත් නෙවෙයි. ඇහැ කඩාගෙන යන රතු කළු වෙනස් වර්ණයක් සහ ඇඳුමක්. මේක තමයි ඒ කාලේ බඹර පහස මුලින්ම වීඩියෝ වලත් අපි රූකා දැක්ක විදිය. අඩු වැඩි වශයෙන්.
රූකාන්ත එයාගේ පැත්තෙන් 'පොප් වෙනසක්' මෙතන පවා සලකුණු කරනවා.
ෆැෂන් වලට අසූව අනූව දශකයේ ආස කරපු දැන් ජීවතුන් අතර නැති මගේ යාලුවෙක් කිව්වා මචං රූකාන්ත අඳින විදිය හරි නැහැ. සහ 'රඟන' (මේක කිව්වේ නිශේදනාත්මක අර්ථයෙන්) විදියත් අවුල් කියල. මගේ යාළුවා කිව්ව ඒ අදහස මගේ හිතේ තවත් තියනවා.
රූකා ඇන්දේ අපේ ඇහැ ඉල්ලපු විදියට නෙවෙයි. සිංදුත් එහෙමයි.
එහෙම ඇඳලා සහ 'රඟලා' රූකා අපිව පහුකරගෙන ගොඩක් දුර ගියා. හැබැයි මෙච්චර සුකුරුත්තන් ගොඩක් කරලා එයා ක්ලැරන්ස් පහු කළාද?
@ෆොටෝ එක මුල් අයිතිකරුගේ.
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
