අනික මේ සියල්ලෙන් පෙනෙන්නේ මේක කරන්නේ ඉතාම හදිසියෙන්. ඒ කියන්නේ ගිය සතියේ QR ඕනි නැහැ කියල නලින්ද ජයතිස්ස ඇමතිවරයා වගේම ඛණිජ තෙල් ඇමැතිත් කිව්වා. ඒ වගේම සංචිත තියනවා කියලත් කිව්වා. ඒ සියල්ල කියලත් ඉන්ධන සීමාකරන්නේ ඉතාම හදිසි තත්වයක් නිසා වෙන්න ඕනි.
ඒ කියන්නේ ඉල්ලුමට තරම් සැපයුමක් දෙන්න බැරිවීම. විශේෂයෙන් යුධ තත්වය එක්ක. ලෝකයේ බල තුලනය ව්‍යුහාත්මක ලෙස වෙනස් වෙන්න යන මොහොතක් මේක. ඒක සරල නැහැ තමයි. ඒ නිසා ලොකු සූදානමක් අවශ්‍යයි.
මීට කලින් මේක (QR) දාන්න කියල කිව්වත් ආණ්ඩුව ඒක කලේ නැහැ. නමුත් පරක්කු වෙලා ඒකම කරලා තියනවා. එහෙමනම කලින් ආණ්ඩුව මේ ප්‍රශ්නේ වෙනුවෙන් ගත්ත සියලු ක්‍රියාමාර්ග දැනුත් ගන්න වෙයි.
හදිසි තත්වයක් නිසා ඒකෙ කිසිම අවුලක් මට පේන්නේ නැහැ. ඒකෙ ගෞරවය කාට ගියත් කමක් නැහැ.
ඇත්තටම දුරගමන් බස් වලට මේ සීමාව එක්ක යන්න බැහැ. පුද්ගලික කාර් එකක ගියත් දුර වැඩ ස්ථානයකට යන්න බැහැ. ගියොත් එන්න බැහැ. ඒ නිසා ප්‍රශ්නේ තවත් නරක පැත්තට යන්න කලින් 'ගෙදර සිට රාජකාරි' (work from home) කිරීමේ පැරණි ක්‍රමවේදය ගැන නැවත හිතන්න වෙනවා.
අවම වශයෙන් මේ යුධ තත්වේ ඉවර වෙනකල්....
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
