රනිල් මේ යන්න හදන ඩබල් ඩෙකර් එකේ උඩින්ම ඉන්නේ චාමර සම්පත් මන්ත්‍රීවරයා කියලත් කිව්වා. ඒ කියන්නේ පක්ෂ නායකයෝ හෝ වයසක ජ්‍යෙෂ්ඨ අය උඩ ඩෙකර් එකේ. නියෝජ්‍ය නායකයෝ වගේ වයසින් අඩු අය පහල ඩෙකර් එකේ. ඊට අමතරව උඩ ඩෙකර් එකේ පොඩ්ඩක් උස තට්ටුවක් වගේ ගහල ඒකෙ චාමර සම්පත්. AI වලින් හරි කාටූන් වලින් හරි මේක නිර්මාණය කරන්නත් පුළුවන්.
චාමර උඩ ඩෙකර් එකටත් පොඩ්ඩක් උඩින් තියන තට්ටුවේ ඉඳන් ඇඟ කිළිපොලා යන කතා පවත්වනවා. රැස්වීම් 1000ක් කවර් කරනවා. ඒ කතා එයා කියන්නේ බයි ප්‍රජාව ටාගට් කරලා.
'අඩෝ මේ ගේම අපි ලොක්ක වෙනුවෙන් ගහනවා. මැරෙන්න උනත් මම බය නැහැ. රනිල් කියන්නේ චන්ඩියෙක් ඩෝ' වගේ කතා දිගටම කියනවා. කටේ බ්‍රේක් නැති බදුල්ලේ නිර්ප්‍රභූ කෙනෙක් රනිල් තෝරාගන්නවා ලංකාවේ බහුතරක් වන බයි ජනතාවට කතාකරන්න. කොළඹ ප්‍රභූ ඔක්කොම පළවෙනි හෝ දෙවැනි ඩෙකර් එකේ ඉඳන් ඒ කතා අහ අහ ගමන යනවා.
ඩී එස්, ඩඩ්ලි, ජේ ආර් වගේ පරණ යූ ඇන් පී වීරයෝ මේ දුෂ්කර කාලයක ආපු අළුත් වීරයා වෙනුවෙන් හිස නමල පස්සට යන්න තීරණය කරනවා.
ඒ අතරවාරේ චීන මොඩල් එකේ 'තද ආණ්ඩුවක්' පැලවත්තේ කට්ටිය නිර්මාණය කරමින් යනවා. මම තියන ප්‍රශ්නේ චාමර සම්පත් මොඩල් ඩබල් ඩෙකර් එකකට පුළුවන් වෙයිද එහෙම ආණ්ඩුවක් එක්ක හැප්පෙන්න. චාමරට නඩුත් ගොඩක් තියන එකේ...
චාමරගේ කතා දිගටම අහගෙන අර ඩබල් ඩෙකර් එක දිහා බලන් ඉන්න බැරි මම කරන්න දෙයක් නැතුව බස් එකට යන්න ඇරලා ගෙදර යනවා. බදුල්ලට ගිය බස් එක ආපහු කොළඹ යන්න කියල වේගයෙන් වැල්ලවාය පැත්තට යනවා. ඇල්ල බෑවුමේ මාරක වංගුව පැත්තට තමයි යනවා පේන්නේ.
බ්‍රේක් චෙක් කලානම් බයවෙන්න දෙයක් නැහැ. සුබ ගමන්!
(ආචාර්ය මහේෂ් හපුගොඩ)
සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
