නමුත් ඇමතිවරයා මේ ගැන කිසිවක් කියනවා මම දැක්කේ නැහැ.
මේක නිකම්ම නමක් වෙනස් කිරීමෙන් ඔබ්බට ගිය දේශපාලනික දෙයක් හින්ද ඇමතිවරයා මේ ගැන යමක් කිව්වානම් හොඳයි කියල මට හිතෙනවා. හැබැයි ඒක අවංක යමක් වෙන්න ඕනි. එහෙම උනොත් විතරක් යමක් ඉගෙනගන්න හැකියාවක් ඒ හරහා ලැබෙයි කියල හිතෙනවා.
ඒක අලුත්ම දෙයක් වෙන්න තියන හැකියාව අඩුයි. නමුත් යම් දෙයක් ඒ වෙනස්කිරීම ඇතුලේ ඇති කියල හිතෙනවා. සමාජ පීඩනය, වාර්ගික කොන්ගත කිරීම, පුද්ගලික අකමැත්තක් හෝ වෙන ඕනෑම දෙයක් වෙන්න පුළුවන්. මම දැක්ක තිලකරත්න ඩිල්ශාන් ගැනත් එහෙම සංසන්දයක් කරලා තිබ්බ. හැබැයි ඒක ඩිල්ෂාන්ගේ පුද්ගලික අනන්‍යතා කැමැත්තක්. ඒක පවා අපි දන්නේ ඔහු ඒ ගැන කතාකරපු නිසා.
ලංකාවේ ක්‍රිකට් ටීම් එකේ නායකයා දක්වා ඉහලට ගිය ඔහුගේ ඒ ප්‍රකාශය එක්ක සමාජයට යමක් ඉගෙණගන්න ලැබුණ. අනන්‍යතාව සහ ක්‍රිකට් ගැන ක්‍රීඩාවේ ඉන්න පොඩි එකෙකුට හරි ගවේෂකයෙකුට හරි යමක් තියනවා ඉගෙනගන්න. අනන්‍යතාවට වඩා ඔහුගේ දක්ෂතාව ලංකාව අගය කළා.
ඒ වගේම ලංකාවේ රැඩිකල් වමේ පක්ෂයක හිටපු කෙනෙක්ට වාර්ගික අනන්‍යතාව මොන වගේ බලපෑමක් කරන්න ඇත්ද කියල ඔහුගේ පැත්තෙන් එන අවංක අර්ථකතනයට මම ආසයි.
මොකද ලංකාවේ දේශපාලනය ඇතුලේ 'බාහිරට විදහාපෑම' සහ 'ඇත්තම ඇත්ත දෙය' අතර ලොකුම පරස්පරය ඇතිවෙලා තියෙන්න මාලිමාවේ කට්ටිය හරහා. ඒක පොඩියට සලකන්න බැහැ. වත්කම්වල ඉඳල, පක්ෂ සංස්කෘතිය කියන එකේ ඉඳල, අධ්‍යාපන සුදුසුකම්වල ඉඳල, ප්‍රතිපත්තිවල ඉඳල, නම් ගම් මාරුකිරීම දක්වා විශාල පරාසයක ඇස්බැන්දුම් ගතියක් දැන් දැන් ඔවුන් අරබයා පේන්න තියනවා. මම මේක කිව්වේ අනුර ඩබල් පොකට් අඳින තැනේ ඉඳල. දේශපාලන වසඟයයක් මෙතන අන්තර්ගතයි කියල.
ඒ වගේම ලංකාවේ රැඩිකල් වමේ පක්ෂයක හිටපු කෙනෙක්ට වාර්ගික අනන්‍යතාව මොන වගේ බලපෑමක් කරන්න ඇත්ද කියල ඔහුගේ පැත්තෙන් එන අවංක අර්ථකතනයට මම ආසයි.
මොකද ලංකාවේ දේශපාලනය ඇතුලේ 'බාහිරට විදහාපෑම' සහ 'ඇත්තම ඇත්ත දෙය' අතර ලොකුම පරස්පරය ඇතිවෙලා තියෙන්න මාලිමාවේ කට්ටිය හරහා. ඒක පොඩියට සලකන්න බැහැ. වත්කම්වල ඉඳල, පක්ෂ සංස්කෘතිය කියන එකේ ඉඳල, අධ්‍යාපන සුදුසුකම්වල ඉඳල, ප්‍රතිපත්තිවල ඉඳල, නම් ගම් මාරුකිරීම දක්වා විශාල පරාසයක ඇස්බැන්දුම් ගතියක් දැන් දැන් ඔවුන් අරබයා පේන්න තියනවා. මම මේක කිව්වේ අනුර ඩබල් පොකට් අඳින තැනේ ඉඳල. දේශපාලන වසඟයයක් මෙතන අන්තර්ගතයි කියල.
නමුත් කොහොමින් කොහොමහරි ඔවුන් බලය ලබාගත්ත මේ මොහොතේ පුළුවන් ඇත්තටම උනේ මොකක්ද කියල සමාජයට කියන්න. මොකද මිනිසා නිර්මාණය වෙන්නේ තමන්ගේ අනන්‍යතාව එක්ක කරන මේ පොරබැදීම එක්ක. සහ ඒ අරගලය සමඟ එන ජයග්‍රහණය එක්ක. සමහර වෙලාවට ඒ අරගලයම ජයග්‍රහණයක් වෙන්නත් පුළුවන්.
නමුත් ඒක සඟවාගෙන ඉන්නවා හෝ උච්චාරණය නොකර ඉන්නවා කියන්නේ තමන්ගේ ආත්මයේ පරාජයක්. දේවල් ගුප්තකරණය කිරීමක්. ඒක වමේ වගේම නූතන සම්ප්‍රදායටත් පටහැණියි.
මොකද මම ඇත්තටම ආසයි පෙරටුගාමී එකේ කුමාර් ගුණරත්නම් සහෝදරයා සිංහලෙන් කතාකරලා ඒ එක්කම ඒක දෙමළෙනුත් ලස්සනට ඒ විදියටම කතාකරනවට. සහ රන්ජිදම් එක්කල ගැටගැහිලා එන දේශපාලනයේ තියෙන පොඩි වාර්ගික කෑල්ලට. අපිටත් වඩා හොඳින් ලංකාවේ දේශපාලනය උච්චාරණය කරන එකට. ඕනි වෙලාවට හැංගිලා අනික් වෙලාවට එළිදරව් වෙන එකට.
(ආචාර්ය මහේෂ් හපුගොඩ)සමාජ හා දේශපාලන විශ්ලේෂක
hapugoda@gmail.com
(Mahesh Hapugoda ගේ ෆේස්බුක් පිටුවෙන්...)
2025 ඔක්තොම්බර 11
සබැඳි ලිපියක් :
ආනන්ද විජේපාල, තිලකරත්න ඩිල්ශාන්, 'ආචාර්ය' රංවල සහ ලංකාවේ අනන්‍යතා අර්බුදය | Saroj Pathirana
