ඇත්ත නැත්ත මම දන්නෙ නැහැ ඒ කතාවල. ඒ ගමන්ම කියනව මේක අපහාස නඩුවක් දක්වා ගෙනියනව කියල.
දැන් ජෝක් එකට අපරාධ පරීක්ෂණ දෙපාර්තමේන්තුවේ නම ‘අපහාස පරීක්ෂණ දෙපාර්තමේන්තුව” කියල වෙනස් කෙරුවෙත් තමන්ට විරුද්ධ හැම මාධ්‍ය වාර්තාවකටම මේ ආණ්ඩුවේ ජනාධිපතිගෙ සිට මැති ඇමතිවරු දක්වා අය CID එකට දුවන නිසා. සාපරාධී අපහාස නීතිය [Criminal Defamation Law] මාධ්‍ය සංවිධාන දීර්ඝ සටනක් කරල 2002 රනිල්ගෙ ආණ්ඩුව ලවා අහෝසි කරගත්තෙ.
ඒකෙ තිබ්බ පැරණි මර්ධනකාරී ස්වරූපයට අමතරව ඉස්සර දේශපාලනඥයින් සහ රජයේ ඉහල නිලධාරීන් ඒ නීතිය යොදාගත්තෙ රජයේ මුදලින් මාධ්‍ය මර්ධනය කරන්න. චෝදනාව ලබන පුද්ගලය තමන් නිවැරදිකරු කිව්වම, ඇපය නියම කරල රිමාන්ඩ් කරනව, ඊට පස්සෙ ෆිංග ප්‍රින්ට් අරං IRC ලැයිස්තුවටත් නම දානව මට මතක හැටියට, මොකද අපරාධ නඩුවක්නෙ. මම වික්ටර් අයිවන්ට දෙපාරක් ඇප තියල තියෙනව. වික්ටර් එදා පට්ට අප්සට් ෆිංග ප්‍රින්ට්ස් ගත්තට. හැබැයි වික්ටර් තව නඩුවක් දාල ඒවත් චැලේන්ජ් කරා.
ඇත්තටම නීතිය අහෝසි කරල නඩු ඔක්කොම අහෝසි උනත් අපි ඒ තියපු ඇප මුදල් ගන්න ගියේ නැහැ. අපිට අමතක උනා ඒව.
අනික ඇත්ත ලියපු කතාවලටත් බලයෙ ඉන්න අය CID එකට පැමිණිලි කරනවා. නඩු ඉතිං අවුරුදු ගනන් ඇදෙනවනෙ, ඒ කාලේම ඒ අය කියනව මම ඒකට නඩු දාල තියෙන්නෙ, උසාවියේ තියෙන නඩුවක් ගැන කතාකරන්න බැහැනෙ කියල. ඒ කියන්නෙ ඒ චෝදනාව ගැන තවදුරටත් මාධ්‍යයේ කතාවෙන එක නවත්ත ගන්න ඒ නීතිය යොදා ගත්ත. ඉතිං ඒ අයට සත පහක් වියදම් වෙන්නෙ නැහැ, ඔක්කොම මහජන බදුමුදලින් යන්නෙ, නීතීඥයනුත් රජයෙන්. අපහාසය ගැන සිවිල් නඩුවක් දැම්මොත් තමන්ගෙ අතින් වියදම් කරන්න වෙන්නෙ.
කොහොම උනත් සාපරාධී අපහස නීතිය අහෝසි කරල තියෙන නිසා දැන් කොහොමත් අපහාසයට නඩු දානව නම් සිවිල් නඩු තමයි දාන්න පුලුවන්. ඉතිං CID අස්සෙ රිංගන්නෙ මොකද මේ බලයේ ඉන්න අය.
(සටහන | උවිඳු කුරුකුලසුරිය)
කලම්බෝ ටෙලිග්‍රාෆ් කර්තෘ
(උපුටා ගැනීම - Uvindu Kurukulasuriya ෆේස්බුක් පිටුවෙන්..)
