සුගතදාස ගෘහස්ථ ක්‍රීඩාංගණයේදී පැවති තරගාවලියේ අවසාන මහා තරගයේ තියුණු සටනකින් පසුව වත්තල ලයිසියම් ජාත්‍යන්තර පාසල 10-8කින් පරාජය කරමින් කොළඹ ගේට්වේ විදුහල් කණ්ඩායම මෙවර කිරුළ හිමි කර ගත්තා.
වාර්ෂිකව පැවැත්වෙන මේ කණිෂ්ඨ නෙට්බෝල් තරගාවලියට දිවයිනේ ජාත්‍යන්තර පාසල් 15ක කණ්ඩායම් සහභාගි වූ අතර මෙහි ප්‍රධාන සම්මාන ත්‍රිත්වයක් ම කොළඹ ගේට්වේ ක්‍රීඩිකාවන් විසින් හිමිකර ගැනීම විශේෂත්වයක්.
මේ තරගාවලියේදී අනාගත ජාතික නෙට්බෝල් ක්‍රීඩිකාවකගේ පෙරනිමිති පහළ කළ 12 හැවිරිදි දිනි ජයවීර ‘නෙට්බෝල් රැජින’ ලෙස කිරුළු පැළඳූ අතර ඇගේ කණ්ඩායම් සහායිකාවන් වන චෙනුති පෙරේරා ‘හොඳම ආරක්ෂක ක්‍රීඩිකාව ලෙසත්, නායිකා රනින් නසි ‘හොඳම පන්දු විදින්නිය’ ලෙසත් තේරුණා. ‘හොඳම සෙන්ට කෝට් ක්‍රීඩිකාව’ ලෙස නම් කෙරුනේ වත්තල ලයිසියම් ජාත්‍යන්තර පාසල් කණ්ඩායමේ රිආරි වික්‍රමආරච්චි.
තරගාවලියේ පළමු අවසන් පූර්ව තරගයේදී මහනුවර ගේට්වේ විදුහල 7-5කින් පරාජය කිරීමට කොළඹ ගේට්වේ විදුහල සමත් වූ අතර වත්තල ලසියියම් ජාත්‍යන්තර පාසල අවසාන තරගයට පිවිසියේ දෙවැනි අවසන් පූර්ව තරගයේදී නුගේගොඩ ලයිසියම් ජාත්‍යන්තර පාසල 10-4කින් පරාජය කරමින්.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com