විසිවන සංශෝධනයට සහය පලකිරීමට විමල් විරවංශ ඇතුළු ද්විත්ව පුරවැසිභාවයට අදාළ වගන්තියට එරෙහිවූ ආණ්ඩු පක්ෂ කණ්ඩායම තීරණය කර ඇතැයි වාර්තාවේ.
ජනවරමට අනුව අලුත් ව්‍යවස්ථාවක් වසරක් තුල දී ගෙන එන බවටත්, එහිදී මහ සංඝරත්නය ඉල්ලා සිටින ද්විත්ව පුරවැසිභාවයට අදාල යෝජනා ඇතුලත් කරන බවටත් ද්විත්ව පුරවැසිභාවයට එරෙහි ආණ්ඩු පක්ෂ කණ්ඩායමට ජනාධිපතිවරයා සහතික වී තිබේ.
ඒ, ටිරාන් අලස් මන්ත්‍රීවරයාගේ මැදිහත්වීම මත ද්විත්ව පුරවැසිභාවයට එරෙහි ආණ්ඩු පක්ෂ මන්ත්‍රී කණ්ඩායම හා ජනාධිපතිවරයා අතර ඊයේ පැවති තීරණාත්මක සාකච්ජාවේ දිය.
ජනාධිපතිවරයා එහිදී සිදුකල ඉල්ලීම හා ලබාදුන් පොරොන්දුව සැලකිල්ලට ගෙන විසිවන සංශෝධනයට සහය දෙමින් ආණ්ඩුව ආරක්ෂා කර ගැනීමට වාසුදේව නානායක්කාර කල යෝජනාවට එම රැස්වීමට සහභාගී වූ මන්ත්‍රීවරුන් ගෙන් බහුතරයකගේ එකඟත්වය පලවී ඇතැයි පැවසේ.
කෙසේවුවද එම සාකච්ජාවට සහභාගී වූ ජනාධිපති නීතිඥ විජේදාස රාජපක්ෂ මන්ත්‍රීවරයා එම යෝජනාවට එකඟතාවය පළකර නොමැති බවද වාර්තාවේ.
මේ සම්බන්ධයෙන් අප වෙත අදහස් දැක්වූ බැසිල් රාජපක්ෂගේ හිතවතකු පැවසුයේ, සජිත් ප්‍රේමදාසගේ පක්ෂයේ ඩයනා ගමගේ ඇතුළු සමගි ජන බලවේගයේ මන්ත්‍රීවරුන් කණ්ඩායමක් ආණ්ඩුවට එක්වීමට තීරණය කිරීමත් සමග විමල් කණ්ඩායමේ සැර බාල වී ඇති බවයි.