දැක්වීමට ඉඩ සැලසෙන පරිදි දේහය සොහොන් ගැබක තැන්පත් කිරීමට අවසර දෙන ලෙසට මැරඩෝනාගේ දරුවන් ආජන්ටිනාවේ අධිකරණයෙන් ඉල්ලා තිබෙනවා.
2020 නොවැම්බරයේදී දැවැන්ත පෙරහැරකින් රැගෙන ආ මැරඩෝනාගේ දේහය දැන් තැන්පත් කර තිබෙන්නේ බුවෙනොස් අයිරස් අගනුවරට යාබද පෙදෙසක තිබෙන පෞද්ගලික සොහොන් බිමක. මේ සුසාන භූමියට ඇතුළු විය හැක්කේ පවුලේ සාමාජිකයන්ට පමණයි.
මැරඩෝනාගේ දේහය දැන් තැන්පත් කර තිබෙන්නේ බුවෙනොස් අයිරස් අගනුවරට යාබද පෙදෙසක තිබෙන පෞද්ගලික සොහොන් බිමක
Memorial del Diez නමින් දැන් ඉදිවෙමින් තිබෙන සොහොන් ගැබ ආජන්ටිනා ජනාධිපතිගේ නිල රාජකාරි ස්ථානය වන Casa Rosada ට පිටුපසින් පිහිටා තිබෙන අතර එය ජනතාවට විවෘත වනු ඇතැයි මැරඩෝනාගේ බාලම පුතාගේ මව වන Veronica Ojeda පවසනවා.
“මැරඩෝනාගේ දේහය තැන්පත් කර තිබෙන වර්තමාන ස්ථානයට වඩා වැඩි ආරක්ෂාවක් තිබෙන ස්ථානයකට එය මාරු කිරීම සඳහා අනුමැතිය ලබා දෙන ලෙසට මැරඩෝනාගේ සියළුම උරුමක්කාරයන් පොදු එකඟත්වයකින් යුතුව ඉල්ලා සිටිනවා” යනුවෙන් අධිකරණයට ඉදිරිපත් කළ ලිපියේ සඳහන්ව තිබුනා. මැරඩෝනාගේ පුතා වන ඩිඒගෝ මැරඩෝනා (කණිෂ්ඨ) වෙනුවෙන් එය අත්සන් කර තිබුනේ ආජන්ටිනා නිළියක වන Dalma හා Gianinna Maradona යන මැරඩෝනාගේ දියණියන් සහ Ojeda විසින්.
මැරඩෝනාගේ දේහය එහි සදාතන සැතපීමේ ඊළඟ ස්ථානයට ගෙන යාම ඔහුගේ උපන් දිනය වන ඔක්තෝබර් 30 වැනිදා සිදු කිරීමට නියමිතව තිබෙනවා.
“එමගින්, සියළුම ආජන්ටිනා ජනතාවට හා ලෝක වැසියන්ට ආජන්ටිනාවේ සිටි අතිශ්‍රේෂ්ඨතම පාපන්දු ක්‍රීඩකයා වූ අපේ පියා ට ගෞරව දැක්වීමට අවස්ථාව උදා වෙනවා” යනුවෙන් එම ලිපියේ සඳහන් කර තිබුනා.
1986 ලෝක කුසලාන පාපන්දු ජයග්‍රාහී ක්‍රීඩක මැරඩෝනාගේ දේහය එහි සදාතන සැතපීමේ ඊළඟ ස්ථානයට ගෙන යාම ඔහුගේ උපන් දිනය වන ඔක්තෝබර් 30 වැනිදා සිදු කිරීමට නියමිතව තිබෙනවා.
ආජන්ටිනා ජාතික පාපන්දු කණ්ඩායම මැරඩෝනාව අදහන්නේ ‘පාපන්දුවේ දෙවියා’ ලෙසින්
ඩිඒගෝ මැරඩෝනා 60 වැනි වියේ පසුවෙමින් සිටියදී මෙලොව හැර ගියේ හෘදයාබාධයකින්. ආජන්ටිනා ජාතික පාපන්දු කණ්ඩායම මැරඩෝනාව අදහන්නේ ‘පාපන්දුවේ දෙවියා’ ලෙසින්.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com