ගොඩනැගිලිවල බැල්කනි සහ ඒවායේ ගරාදි වැටවල් කඩා වැටීමට ඉඩ තිබෙන බවට අනතුරු අඟවා තිබෙනවා.
එබැවින් එම බැල්කනි පරීක්ෂා කරන ලෙසට අනතුරු ඇඟවීම කර තිබෙන්නේ පැරිස් පොලිසිය හා නගර සභාවේ නිලධාරීන් විසින්.
ප්‍රතිපත්තියක් ලෙස, 19 වැනි සියවසේ Haussmann යුගයේ සිට ඉදිකරන ලද පැරිසියානු ගොඩනැගිලිවල සඳලුතලයකට වැඩිහිටි පුද්ගලයන් තිදෙනෙකුගේ බර ට සමාන කිලෝග්‍රෑම් 350ක බරක් දරා ගැනීමේ හැකියාව තිබෙනවා. නමුත් දුර්වල නඩත්තුව හා වැඩි සෙනඟක බරෙන් ඒ සමහරක් බැල්කනි කඩා වැටීමට ඉඩ තිබෙන බවට බලධාරීන් බිය පළ කරනවා.
2016 වසරේ සාදයක් පැවැත්වෙන අතරතුර බැල්කනියක් කඩා වැටීමෙන් බටහිර ප්‍රංශයේ Angers නුවර පුද්ගලයන් සිවු දෙනෙකු මිය ගියා.
2016 වසරේ සාදයක් පැවැත්වෙන අතරතුර බැල්කනියක් කඩා වැටීමෙන් බටහිර ප්‍රංශයේ Angers නුවර පුද්ගලයන් සිවු දෙනෙකු මිය ගියා. පසුගිය වසරේ මැයි මාසයේ පැරිසියේ තවත් නගරයක ගරාදි වැටක් හා සඳලුතලයක කොටසක් කඩා වැටීමෙන් පුද්ගලයන් දෙදෙනකුට දිවි අහිමි වුනා.
බැල්කනි සහ ඒවායේ අත් වැට විධිමත්ව පරීක්ෂා කිරීම ඉඩ කඩම් හිමියන්, සමාජ නිවාස ලබා දෙන්නන් සහ කළමනාකාර ආයතනවලට පනවා තිබෙන නීතියක්. නමුත් සෑම කෙනෙක්ම එය පිළිපදින්නේ නැහැ.
ඔලිම්පික් සමාරම්භක උළෙල පැවැත්වෙන කිලෝමීටර් 6ක් දුර සෙන් ගංගා මාර්ගයේ ගොඩනැගිලි දහස් ගණනක් සම්බන්ධයෙන්
ඔලිම්පික් සමාරම්භක උළෙල පැවැත්වෙන කිලෝමීටර් 6ක් දුර සෙන් ගංගා මාර්ගයේ ගොඩනැගිලි දහස් ගණනක් සම්බන්ධයෙන් වන මේ පරීක්ෂාව පිළිබඳ කාරණය සාකච්ඡාවට බඳුන් වූව ද ඒ පිළිබඳව තීරණයක් ගෙන නැත්තේ එවැනි සම්පූර්ණ ගොඩනැගිලි පරීක්ෂා කිරීමේ මෙහෙයුමක් වෙනුවෙන් යන විශාල වියදම නිසා බව පැරිස් පොලිසිය හා පැරිස් නගර ශාලාවේ නිලධාරීන් ප්‍රකාශ කරනවා.
මේ අතර ප්‍රංශ ජනාධිපතිවරයා, සෙන් ගංගා ඉවුර දිගේ තිබෙන පරණ පොත් අලෙවි කරන්නන්ගේ කුටි ඉවත් කිරීමට යෝජනා කරමින් තමන් වෙත ඉදිරිපත් කෙරුනු සැලසුම් ඉරා දමා තිබෙන්නේ ඔවුන් අගනගරයේ ජීවමාන උරුමය ලෙසින් තමා සලකන බව ප්‍රකාශ කරමින්.
සෙන් ගංගා ඉවුර දිගේ තිබෙන පරණ පොත් අලෙවි කරන්නන්ගේ කුටි ඉවත් කිරීමට යෝජනා කරමින් තමන් වෙත ඉදිරිපත් කෙරුනු සැලසුම් ඉරා දමා තිබෙන්නේ ඔවුන් අගනගරයේ ජීවමාන උරුමය ලෙසින් තමා සලකන බව ප්‍රකාශ කරමින්.
ආරක්ෂක හේතුන් මත පරණ පොත් කඩවලින් සියයට 60ක ප්‍රමාණයක් වන කුටි 570ක් ඔලිම්පික් ක්‍රීඩා උළෙල පැවැත්වෙන කාලය තුළ විශේෂ ‘පොත් අලෙවි කරන්නන්ගේ ගම්මානය’කට තාවකාලිකව ගෙන යාමට සිදුවන බව පොලිසිය පොත් අලෙවි කරන්නන්ට පසුගිය වසරේ දන්වා තිබුනා.
එහෙත්, කොළ පැහැති තමන්ගේ පරණ පොත් කුටි ඔලිම්පික් සමාරම්භක උළෙල පැවැත්වෙන වේලාවේ වසා දැමීමට සිදුවුනත්, ඒවා එම ස්ථානයේ දිගටම තබා ගැනීම පිණිස මේ පොත් අලෙවි කරන්නන් ඉතාමත් ක්‍රියාශීලීව උද්ඝෝෂණය කළා. Eiffel Tower හෝ Notre Dame Cathedral මෙන්ම තමන් ද පැරිසියේ කොටසක් බව ඔවුන් කියා සිටියා.
අවුරුදු 400කට වැඩි කාලයක් තිස්සේ සෙන් ගංගා ඉවුර දිගේ පරණ පොත් විකුණමින් සිටින පොත් අලෙවිකරුවන්ගේ කුටි එලෙසින්ම තිබීම
ඔලිම්පික් සමාරම්භක උත්සවය සඳහා ආරක්ෂක පියවර යොදන විට, අවුරුදු 400කට වැඩි කාලයක් තිස්සේ සෙන් ගංගා ඉවුර දිගේ පරණ පොත් විකුණමින් සිටින පොත් අලෙවිකරුවන්ගේ කුටි එලෙසින්ම තිබීම සහතික වන පරිදි කටයුතු කරන ලෙසට ප්‍රංශ ජනාධිපතිවරයා නිලධාරීන්ට තරයේ උපදෙස් දී තිබෙනවා.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com