පසුගිය පැය 48 ඇතුලත ප්‍රංශ අගනුවර, පැරිසිය වෙත ඇද හැලුණු වර්ෂාපතනයත් සමග සෙන් නදියේ ජලය, තව දුරටත් පිහිනුම් ක්‍රීඩක සෞඛ්‍යට හිතකර නොවන බවට ඔවුන් විසින් තීරණය කර තිබේ.
ක්‍රීඩක ක්‍රීඩිකාවන්ගේ සෞඛ්‍යය ප්‍රමුඛස්තානහිලා සැලකෙන බව මේ සම්බන්ධයෙන් නිකුත් කළ නිවේදනයක සඳහන්ය.
ලෝක තුන්ප්‍රයාම ජාත්‍යන්තර ෆෙඩරේෂණය (international federation, World Triathlon) පෙරේදා (27) සිදු කළ මූලික ජල නිදර්ශක පරික්ෂාවේදී සෙන් නදිය, එම තරග ඉසව්ව සඳහා නුසුදුසු බවට තීරණය කළේය.
එහෙත්, මීළඟ පැය 48 දක්වා ලබා දී ඇති කාලගුණ අනාවැකි පරිදි, සෙන් නදී ජල පරිසරය යථා තත්වයට පත්වන ආකාරයට සාපේක්ෂව ජුලි 30 වනදාට යෙදී ඇති තරග ඉසව්ව, සෙන් නදියේ පැවැත්වීම පිලිබඳ අවසන් තීරණය ගනු ඇතැයි අපේක්ෂා කෙරේ.
අනපේක්ෂිතව ඇද හැලුණු වර්ෂාවත් සමග, පිරිපහදු නොකළ අපද්‍රව්‍ය සෙන් නදී ජල පෘෂ්ඨයට එක්වීමෙන් මෙම අයහපත් තත්වය උද්ගතව තිබේ.
තත්වය මුළුමනින්ම පහව නොගියහොත්, තරග ඉසව්ව අගෝස්තු 1 සහ 2 යන දිනවලදී පැවැත්වීමට යෝජිතය. එහෙත්, තව දුරටත් සෙන් නදී ජල පරිසරය දූෂිතව පවතින්නේනේ නම්, තුන්ප්‍රයාම ඉසව්වේ පිහිනුම් අංශ අවලංගු කර ද්විප්‍රයාම ඉසව්වක් ලෙස පැවැත්වෙනු ඇත.
(සටහන : හර්ෂ උදයකාන්ත)
(BBC Sport ඇසුරිණි)
මූලාශ්‍ර :
Triathlon swim training scrapped because of pollution