වොලිබෝල් කණ්ඩායම දැන් නේපාලයේ කත්මන්ඩු නුවරට ගොස් සිටිනවා.
අගෝස්තු (1) සිට 7 දක්වා පැවැත්වෙන මේ තරගාවලියට ඉන්දියාව, නේපාලය, ඉරානය, මාල දිවයින හා ශ්‍රී ලංකාව යන රටවල් පහ සහභාගි වනවා.
තරගාවලියේ තරග සටහන
ශ්‍රී ලංකා කණ්ඩායමේ නායිකාව ලෙස පත්ව සිටින්නේ තිලිණි වාසනා. ප්‍රධාන පුහුණුකරු ලෙස චාල්ස් තිලකරත්න කටයුතු කරනවා.
ශ්‍රී ලංකාව අද නේපාලය සමගත්, හෙට (2) ඉරානය සමගත්, 4 වැනිදා මාල දිවයින සමගත්, 5 වැනිදා ඉන්දියාව සමගත් තරග වැදීමට නියමිතයි.
ලීග් වටයේ ඉහළටම පිවිසෙන කණ්ඩායම් හතර තරගාවලියේ අවසන් පූර්ව වටයට පිවිසෙන අතර එම වටය ඇරඹෙන්නේ අගෝස්තු 6 වැනිදා.
අවසාන තරගය හා තෙවැනි ස්ථානය සඳහා වන තරගය අගෝස්තු 7 වැනිදා පැවැත්වෙනවා.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com