තරුෂි අවුරුදු හතරකට අමෙරිකාවට යයි

ඇය ලුසි­යානා ප්‍රාන්තයේ නිව් ඔර­ලෙන්ස්හි පිහිටි තුලේන් විශ්ව­වි­ද්‍යා­ල­යට ලබන සතියේ ඇතු­ළත් වන අතර, ඒ සඳහා ඇයට වසර 4ක පූර්ණ ශිෂ්‍ය­ත්ව­යක් ලැබී ඇත.

තුලේන් විශ්ව­වි­ද්‍යා­ලය සතුව තුලේන් ග්‍රීන් වේව් නමින් මලල ක්‍රීඩා කණ්ඩා­ය­මක් ඇති අතර, තරුෂි ඉදි­රි­යේදී එම කණ්ඩා­යම නියෝ­ජ­නය කරනු ඇත. එම තුලේන් ග්‍රීන් වේව් මලල ක්‍රීඩා කණ්ඩා­යම අමෙ­රි­කානු මලල ක්‍රීඩා සම්මේ­ල­නයේ සාමා­ජි­ක­යකු ලෙස ප්‍රමුඛ පෙළ තර­ගා­වලි නියෝ­ජ­නය කරනු ලබයි.

තුලේන් ග්‍රීන් වේව් යටතේ පාපන්දු, බාස්ක­ට්බෝල්, වොලි­බෝල් හා බේස්බෝල් වැනි ක්‍රීඩා සංචිත ක්‍රියා­ත්ම­ක­වන අතර, ක්‍රීඩා සංකී­ර්ණ­යක් වෙනම පිහිටා ඇත.

තරු­ෂිට විශ්ව­වි­ද්‍යාල කිහි­ප­ය­කින්ම ශිෂ්‍යත්ව ලැබී ඇති අතර, ක්‍රීඩාව හා අධ්‍යා­ප­නය යන අංශ දෙකම කළ හැකි ස්ථාන­යක් තෝරා­ගත් බව තරුෂි කරු­ණා­රත්න ‘දින­මිණ’ පුවත්පතට පවසා ඇත. එම අමෙ­රිකා තුලේන් විශ්ව­වි­ද්‍යා­ලයේ ක්‍රීඩා පුහු­ණු­වීම් සඳහා අවශ්‍ය පහ­සු­කම් ඇති හෙයින් එය වඩාත් සුදු­සුම ස්ථානය බව ඇය සඳහන් කර තිබේ.

මෙවර පැරිස් ඔලි­ම්පික් ක්‍රිඩා උලෙළේ මීටර් 800 මූලික වටයේ තර­ග­යට එක්වූ තරුෂි කරු­ණා­රත්න මිනිත්තු 2:07.76කින් තර­ගය නිම­කොට අව­සන් පූර්ව වට­යට ඍජුව සුදු­සු­කම් ලබා නොගත් හෙයින් යළි ‘රිපි­චේජ් වට­යේදී’ මිනිත්තු 2:06.66ක කාල­යක් ගත කළාය. ආසි­යානු රන් පද­ක්කම් දිනූ තරුෂි කරු­ණා­ර­ත්නගේ පැරිස් ඔලිම්පික් ධාව­නය ලොව අති­දක්ෂ ක්‍රීඩි­කා­වන් අතු­රින් එලෙස නිමා­වට පත් වූවාය.

(dinamina.lk)