පවසනවා.
බොක්සිං ක්‍රීඩාවෙන් ඔලිම්පික් පදක්කම් ජයග්‍රහණයක් ශ්‍රී ලංකාව ට ගෙන ඒමට අවශ්‍ය පහසුකම් ක්‍රීඩා අමාත්‍යංශයෙන් ලබා දෙන බව ද නියෝජ්‍ය අමාත්‍යවරයා කියනවා.
ASBC ආසියානු වයස අවුරුදු 22න් පහළ බොක්සිං ශූරතාවලිය සහ යොවුන් බොක්සිං ශූරතාවලියේ පදක්කම්ලාභීන් ඊයේ තරුණ කටයුතු හා ක්‍රීඩා අමාත්‍යංශයේදී ක්‍රීඩා ඇමති සුනිල් කුමාර ගමගේ සහ ක්‍රීඩා නියෝජ්‍ය ඇමති සුගත් තිලකරත්න යන මහත්වරු හමුවූ අවස්ථාවේදීයි නියෝජ්‍ය අමාත්‍යවරයා ඒ බව ප්‍රකාශ කළේ.
මේ තරගාවලියන්හිදී රිදී පදක්කම් 5ක් සහ ලෝකඩ පදක්කම් 18ක් හිමිකර ගැනීමට ශ්‍රී ලාංකික ක්‍රීඩක ක්‍රීඩිකාවන් සමත් වුනා.
ක්‍රීඩාවේ ප්‍රවර්ධනය වෙනුවෙන් මෙම තරගාවලිය මෙරටදී පැවැත්වීමට හැකිවීම පිළිබඳව සතුටු වන බව ද ක්‍රීඩා නියෝජ්‍ය ඇමතිවරයා මෙහිදී සඳහන් කළා.
මේ ජාත්‍යන්තර තරගාවලිය ශ්‍රී ලංකාවේ පැවැත්වීමට කටයුතු සූදානම් කිරීම අභියෝගයක් වූ බව මෙහිදී කියා සිටි ක්‍රීඩා ඇමති සුනිල් කුමාර ගමගේ, ඒ වෙනුවෙන් තරුණ කටයුතු සහ ක්‍රීඩා අමාත්‍යංශය බොහෝ වෙහෙසුනු බව පැවසුවා.
ආසියානු තරගාවලියේ ජයග්‍රහණ හිමිකර ගත් සියලුම ක්‍රීඩක ක්‍රීඩිකාවන්ට සුභ පැතූ ක්‍රීඩා ඇමතිවරයා, ඉදිරියේදී ශ්‍රී ලංකාවට බොක්සිං ක්‍රීඩාවෙන් ඔලිම්පික් පදක්කමක් ගෙන ඒමට උත්සාහවන්ත විය යුතු බව කියමින් ක්‍රීඩක ක්‍රීඩිකාවන් දිරි ගැන්වූවා.
ක්‍රීඩා සංවර්ධන අධ්‍යක්ෂ ජනරාල් ශෙමාල් ප්‍රනාන්දු, ශ්‍රී ලංකා බොක්සිං සංගමයේ සභාපති අනුරුද්ධ බණ්ඩාර, ASBC ආසියානු අවුරුදු 22න් පහළ බොක්සිං ශූරතාවලිය සහ යොවුන් බොක්සිං ශූරතාවලියට සහභාගි වූ ක්‍රීඩක ක්‍රීඩිකාවන් සහ ඔවුන්ගේ පුහුණුකරුවන් මේ අවස්ථාවට සහභාගි වුනා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
