මේ අනුව එම ආයතනය ආසියානු රග්බි එමිරේට්ස් ශූරතාවලියේ ශ්‍රී ලංකා ජාතික රග්බි කණ්ඩායමේ ප්ලැටිනම් අනුග්‍රාහකයා බවට පත්වනවා.
මේ අනුග්‍රාහකත්වයෙන් ස්ථිර වන්නේ ශ්‍රී ලංකාවේ රග්බි ක්‍රීඩාවේ සංවර්ධනය වෙනුවෙන් මැලිබන් ආයතනයේ තිබෙන දීර්ඝ කාලීන කැපවීම.
‘මැලිබන් විසින් බලගැන්වූ ආසියානු රග්බි ලෝක කුසලාන සුදුසුකම් ලැබීමේ තරග’ – Asia Rugby World Cup Qualifiers powered by Maliban - ලෙස දැන් නම් කර තිබෙන මේ වසරේ තරගාවලියේදී ශ්‍රී ලංකාව ආසියානු රග්බි ක්‍රීඩාවේ ඉහළම ස්තරයේ සිටින ප්‍රබල කණ්ඩායම් තුනක් සමග තරග වදිනවා. මේ මෙහෙයුම ආරම්භ වන්නේ ජූනි 13 කොළඹදී පැවැත්වෙන කොරියාව ට එරෙහි තරගයෙන්. ඉන්පසුව ශ්‍රී ලංකා කණ්ඩායම හොංකොං පිල සමග ජූනි 22 වැනිදා ඔවුන්ගේ රටේදී තරග වැදීමෙන් පසුව නැවත කොළඹදී එක්සත් අරාබි එමීර් රාජ්‍යය පිල සමග ජූලි 4 වැනිදා තරග කරනවා.
ශ්‍රී ලාංකේය රග්බි ක්‍රීඩාව සමග මැලිබන් ආයතනයේ තිබෙන සබඳතාව පසුගිය වසර කිහිපය තිස්සේ ශක්තිමත්ව වර්ධනය වී තිබෙන අතර පසුගිය මැයි මාසයේ නවසිලන්තයේ කිලෝග්‍රෑම් 85 ට අඩු රග්බි කණ්ඩායමේ ඓතිහාසික ශ්‍රී ලංකා සංචාරයට අනුග්‍රහය දැක්වූයේ ද මැලිබන්. රග්බි ක්‍රීඩාවේ මූලික පදනම සහ සුපිරි මට්ටමේ ද උපායමාර්ගික සම්බන්ධතාව තුළින් මැලිබන් ආයතනය ශ්‍රී ලංකාව පුරා රග්බි ක්‍රීඩාවේ ව්‍යාප්තියේ උත්ප්‍රේරකයක් බවට පත්වෙමින් සිටිනවා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com