මෙසේ මිය ගොස් තිබෙන්නේ සුපර් ෆෙදවේට් අංශයේ තරග වැදුනු ෂිගෙටොෂි කොටාරි (Shigetoshi Kotari) සහ ලයිට්වේට් අංශයේ තරග කළ හිරෝමාසා උරකාවා (Hiromasa Urakawa) යන දෙදෙනා. ටෝකියෝ හි කොරාකුඅන් ශාලාවේ අගෝස්තු 2 වැනිදා පැවති තරගාවලියේදී ජීවිත අහිමි වන වි‌ට මේ ක්‍රීඩකයන් දෙදෙනා ම පසුවෙමින් සිටියේ 28 වැනි වියේ.
ක්‍රීඩකයන් දෙදෙනාවම වහාම රෝහලට රැගෙන ගිය අතර එහිදී ඔවුන්ට මොළයේ ශල්‍යකර්ම සිදුකළා.
ජපානයේ ම යමාටො හටා ට එරෙහිව පැවති තරගය වට 12න් පසුව ජය පැරදුමින් තොරව අවසන් කර ගත් කොටාරි තරගය අවසන් වී මොහොතකට පසුව සිහිනැතිව ගොස් මිය ගිය බව ඔහු‌ගේ M.T. ජිම්නේසියම ඔවුන්ගේ වෙබ්අඩවියෙන් කියා සිටියා.
යොජි සයිටො සමග පැවති තරගයේ අට වැනි සහ අවසාන වටයේදී පරාජය ලැබූ උරකාවා ද එම තරගයේ ලැබූ තුවාලවලින් ඛේදනීය අයුරින් මිය ගිය බව ලෝක බොක්සිං සංවිධානය (WBO) ‘ඉන්ස්ටග්‍රෑම්’ පෝස්ටුවකින් පැවසුවා.
හිරෝමාසා උරකාවා (Hiromasa Urakawa-වම) සහ ෂිගෙටොෂි කොටාරි (Shigetoshi Kotari-දකුණ)
උරකාවා මිය ගියේ කොටාරිගේ මරණයෙන් දින කිහිපයකට පසුව.
බොක්සිං සටන්කරුවන් දෙදෙනෙකු එකම තරගාවලියක ලැබූ තුවාල හේතුවෙන් හිස් කබල විවෘත කෙරෙන ශල්‍යකර්මවලට බඳුන් වූ ජපානයේ ප්‍රථම අවස්ථාව මෙය බව ජපාන බොක්සිං කොමිසම සඳහන් කරනවා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
