ශ්‍රී ලයන්ස් ක්‍රීඩා සමාජය 2025/2026 වර්ෂය සඳහා වන ඔවුන්ගේ වාර්ෂික මහා සභා රැස්වීම තලවතුගොඩ ජැට් හෝල්ඩිංස් කාර්යාලයීය ශ්‍රවනාගාරයේදී ඉතාමත් සාර්ථක අයුරින් පසුගියදා පැවැත්වූයේ ක්‍රීඩා ගණනාවක් හරහා ඔවුන්ගේ ව්‍යාප්තියේ තවත් සාර්ථක වසරක් සමරමින්.
එහිදී නැවත වතාවක් සභාපති ධූරයට පත්වූ ආචාර්ය කැළුම් සුජිත්ට සහාය වීම පිණිස ඩයනා ඔෂාධි සහ කෙමිත් ලිඳුල ජාත්‍යන්තර උපසභාපතිවරුන් ලෙස පත්කෙරුනා. ලේකම්වරයා ලෙස පත්වුනේ චන්න තිලකරත්න.
ශ්‍රී ලංකා අන්තර් සමාජ රග්බි ‘ඒ’ කොටසේ තරග වදින ශ්‍රී ලයන්ස් ශ්‍රී ලංකා කණ්ඩායමේ 2025-26 නායකයා ලෙස දුෂ්මන්ත ප්‍රියදර්ශන සහ උපනායකයන් ලෙස දිනුක් අමරසිංහ හා ගනිඳු ලක්ෂාන් නම් කර තිබෙනවා.
මේ වාර්ෂික මහා සභා රැස්වීමේදී පසුගිය තරග වාරයේ විශිෂ්ට දස්කම් දැක්වූ ක්‍රීඩක ක්‍රීඩිකාවන්ට තිළිණ ප්‍රදානය කිරීම ද සිදුවුනා.
*ජනතාවගේ ක්‍රීඩකයා - මතිර් රාබන්
*හොඳම ආක්‍රමණශීලී ක්‍රීඩකයා - ගනිඳු ලක්ෂාන්
*හොඳම ආරක්ෂක ක්‍රීඩකයා - දෙනුවන් ලක්රඳ
*තරග වාරයේ විශිෂ්ටතම ට්‍රයි දිනුම - කවීශ ඉඳුරංග (සී.එච්.ඇන්ඩ් එෆ්.සී. පිලට එරෙහිව පළමු ට්‍රයි දිනුම)
*වඩාත්ම දියුණු වූ ක්‍රීඩකයා - අනුරාධ ලක්ෂාන් ලක්රඳ
*වසරේ ලයන් සහ ශ්‍රී ලයන්ස් කැප් 2024-25 - නිස්රාන් නිලාර්
*වසරේ ලයනස් - හසිතා මෙන්ඩිස් (නෙට්බෝල්)
මෙහිදී, 2024/2025 ශ්‍රී ලයන්ස් ශ්‍රී ලංකා විධායක කමිටුවේ සියලුම සාමාජිකයන්, රග්බි කළමනාකාරිත්වය, නෙට්බෝල් කළමනාකාරිත්වය හා අනුග්‍රාහකයන් අගය කිරීම ද සිදුකෙරුනා.
2025/2026 විධායක කමිටුව
නිර්මාතෘ හා සභාපති - ආචාර්ය කැළුම් සුජිත්
ජාත්‍යන්තර උපසභාපතිවරු - ඩයනා ඔෂාධි සහ කෙමිත් ලිඳුල
ලේකම් - චන්න තිලකරත්න
සහකාර ලේකම් - සුරන්ජි පීරිස්
මානව සම්පත් ප්‍රධානී - අප්සරා ගුණරත්න
මූල්‍ය හා උපාය සම්බන්ධ අධ්‍යක්ෂ - සුජිත් පුන්චිහේවා
ව්‍යාපාර කළමනාකරණය (ඉසව්) අධ්‍යක්ෂ - සවිත් ඔෂද
රග්බි අධ්‍යක්ෂිකා - හිටපු ජාතික කාන්තා රග්බි නායිකා සහ ලෝක රග්බි දෙවැනි මට්ටමේ පුහුණුකාරිනී සුජානි රත්නායක
ජාත්‍යන්තර නෙට්බෝල් අධ්‍යක්ෂිකා - අකිලා නිම්නි ජයවර්ධන
වෙළඳ හා අනුග්‍රාහක අධ්‍යක්ෂ - නලින් තබීත්
ක්‍රීඩා අධ්‍යක්ෂ - ශිරාන් කුරේ
අනුරාධපුර ශාඛාවේ අධ්‍යක්ෂිකා - ටෙලිෂියා ජයනෙත්ති
ශ්‍රී ලයන්ස් නෙට්බෝල් සහ තරුණ කටයුතු අධ්‍යක්ෂිකා - කෙම්ඩි පෙරේරා
විධායක කමිටු සාමාජික - මිරින්ද නුවන්
(සටහන | වර්නන් ගුණසේකර)
