20 වැනි වරටත් පැවති මේ සීමිත ඕවර 25 තරගයේදී මාපටුන හයේ පහර 4ක් සහ හතරේ පහර 2ක් සමග පන්දු 42කින් ලකුණු 54ක් ද, පෙරේරා ඕවර පහකින් ලකුණු 31කට කඩුලු 4ක් ද ලබා ගනිමින් කැවලියර්ස් කණ්ඩායම ජයග්‍රහණය කරා ගෙන ගියා.
ලංකා කැවලියර්ස් කණ්ඩායමේ සුසාන් බණ්ඩාර හොඳම පන්දු රකින්නා ලෙස ද, සෙල්වින් පෙරේරා හොඳම පන්දු යවන්නා ලෙස ද, කාමන් මාපටුන තරගයේ වීරයා ලෙස ද නම් කෙරුනු අතර වෙළඳ සේවා ක්‍රිකට් සංගමයේ කමිටු ප්‍රවීණයන්ගේ කණ්ඩායමේ දමිත හුනුකුඹුර හොඳම පිතිකරු ලෙස තේරුණා.
තිළිණ බෙදා දෙනු ලැබුවේ තරගයේ ප්‍රධාන අමුත්තා වූ, 2004 වසරේදී මෙම කුසලානය පරිත්‍යාග කළ වෙළඳ සේවා ක්‍රිකට් සංගමයේ හිටපු සභාපති ටිරෝන් ද සිල්වා, වර්තමාන සභාපති මහේෂ් ද අල්විස්, ලේකම් රොහාන් සමරවීර සහ ලංකා කැවලියර්ස් ආයතනයේ සභාපති රියාස් ෆරූක් හා ක්‍රිකට් ලේකම් මනෝජ් පෙරේරා යන මහත්වරු විසින්.
තරග 20කින් පසුව ලංකා කැවලියර්ස් කණ්ඩායම ජයග්‍රහණ 10ක් සමග මේ තරගමාලාවේ ඉදිරියෙන් සිටින අතර වෙළඳ සේවා ක්‍රිකට් සංගමයේ කමිටු ප්‍රවීණයන්ගේ පිල ජයග්‍රහණ 8ක් වාර්තා කර තිබෙනවා.
වෙළඳ සේවා ක්‍රිකට් සංගම් ක්‍රීඩාංගණයේ පැවති තරගයේ ලකුණු විස්තර:
ලංකා කැවලියර්ස් -
කඩුලු 9 ට ලකුණු 155 යි (කාමන් මාපටුන 54, මොහමඩ් ඉක්රම් නොදැවී 24, ලක්මාල් ද සිල්වා 2/39, මහේෂ් ද අල්විස් 2/26)
වෙළඳ සේවා ක්‍රිකට් සංගමයේ කමිටු ප්‍රවීණයෝ - කඩුලු 8 ට ලකුණු 138 යි (දමිත හුනුකුඹුර 30, සන්ජය අත්තනායක 28, මනුර නියොමාල් 3/11, සෙල්වින් පෙරේරා 4/31)
-සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
