තුන් ඈඳුතු මෝස්තරයකට නිර්මාණය කර ඇති මේ මඟුල් මුද්දේ යෝධ ඕවලාකාර දියමන්තියක් හා ඊට දෙපැත්තෙන් කුඩා ඕවලාකාර මැණික් ගල් අල්ලා තිබෙනවා.
77 Diamonds ස්වර්ණාභරණ ආයතනයේ කළමනාකාර අධ්‍යක්ෂ Tobias Kormind ට අනුව මුද්දේ මැද දියමන්තිය කැරට් 25ක් පමණ වන අතර එහි වටිනාකම ඉතා විශාලයි. “මේ ප්‍රමාණයේ හා තත්ත්වයේ ස්වභාවික දියමන්තියක් පවුම් මිලියන 4ක් පමණ වටිනවා” යනුවෙන් ඔහු ප්‍රකාශ කරනවා.
රොඩ්රීගැස්ගේ මේ මුද්ද සිහියට නංවන්නේ වසර 1950 යුගයේ හොලිවුඩ් සිනමාවේ වඩාත්ම ජනප්‍රිය තාරකාව වූ එලිසබෙත් ටේලර්ගේ ඓතිහාසික කැරට් 33.19 දියමන්ති විවාහ මුද්ද. එය ඇයට තෑගි කළේ එවකට ඇගේ සැමියාව සිටි, ටේලර් තරමටම ජනප්‍රිය නළුවෙකු වූ රිචඩ් බර්ටන්.
ටේලර්ගේ මරණයෙන් පසුව, එම දියමන්තිය 2011 වසරේදී ඩොලර් 8,818,500කට (පවුම් මිලියන 6.5කට ආසන්නයි) විකිණුනා. මේ නිළියට බර්ටන් 1969 වසරේදී ලබා දුන් පෙයාර් ගෙඩියක හැඩයෙන් යුත් දියමන්තියක් යෙදූ කැරට් 69.42ක තවත් මුද්දක් උරුම වුනා. ටේලර්-බර්ටන් දියමන්තිය නමින් ජනප්‍රිය වූ එම මුද්ද ඉතිහාසගත වුනේ වෙන්දේසියකදී ඩොලර් මිලියනයකට වඩා වැඩි මුදලකට විකුණන ලද පළමු මැණික බවට එය පත්වූ අවස්ථාවේ.
එම මුද්දට තිබුනු ඇදහිය නොහැකි වටිනාකම හේතුවෙන් ටේලර් ට එම දියමන්තිය ප්‍රසිද්ධියේ පැළඳීමට හැකිවුනේ ආයුධ සන්නද්ධ ආරක්ෂකයන් පිරිවරාගෙන පමණයි. තවද, දැඩි රක්ෂණ ප්‍රතිපත්තියකට අනුව ටේලර් මේ මුද්ද පැළඳුවේ වසරකට දින 30ක් බැගින් පමණයි. ටේලර් බොහෝ විට එම මුද්ද වෙනුවට ඇඟිල්ලේ දාගත්තේ ඩොලර් 3,000කට (පවුම් 2,000ක් පමණ) අඩුවෙන් මිලකර තිබූ අනුරුවක්.
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
