ඒ අනුව තරගාවලියේ ජය ශ්‍රී ලංකා කාණ්ඩායමට හිමි වේ.
තරගයේ කාසියේ වාසිය දිනූ ශ්‍රී ලංකා කණ්ඩායමේ ආරාධනයෙන් ප්‍රථමයෙන් පන්දුවට පහරදීමට පිටියට පිවිසි සිම්බාබ්වේ කණ්ඩායම නියමිත පන්දුවාර 50 අවසානයේ කඩුලු 7ක් පමණක් බිඳ වැටී ලකුණු 277ක් රැස් කිරීමට සමත් විය.
පන්දුවට පහර දීමේ දී සිම්බාබ්වේ කණ්ඩායම වෙනුවෙන් Ben Curran ලකුණු 79ක් සහ Sikandar Raza නොදැවී ලකුණු 59ක් රැස් කිරීමට සමත් විය.
පන්දු යැවීමේ දී ශ්‍රී ලංකා කණ්ඩායම වෙනුවෙන් දුශ්මන්ත චමීර කඩුලු 3ක් සහ අසිත ප්‍රනාන්දු කඩුලු 2ක් බිඳ හෙලීමට සමත් විය.
ඒ අනුව ශ්‍රී ලංකා කණ්ඩායමට හිමි වූ ඉලක්කය ලකුණු 278කි.
ශ්‍රී ලංකා පිළිතුරු ඉනිම ආරම්භ කළේ පැතුම් නිස්සංක සමගින් නුවනිඳු ප්‍රනාන්දුය.
ඔවුන් දෙදෙනා අතර පළමු කඩුල්ලේ සබඳතාවය ලකුණු 48කට සීමා කරමින් නුවනිඳු ප්‍රනාන්දු ලකුණු 14කට දැවී ගියේ ය.
කුසල් මෙන්ඩිස්ට රැස් කර ගැනීමට හැකී වූයේ ලකුණු 5 ක් පමණි.
අනතුරුව පැතුම් නිස්සංකට එක් වූ සදීර සමරවික්‍රම තුන්වැනි කඩුල්ලට ලකුණු 78 ක් එක් කළේ ය.
සදීර සමරවික්‍රම ලකුණු 31කි.
අගනා ඉනිමක් ක්‍රීඩා කළ පැතුම් නිස්සංක එක්දින ක්‍රිකට් පිටියේ 7වැනි ශතකය රැස් කළේ ය.
ලකුණු 122ක් ලබා සිටියදී ඔහු දැවී ගියේ රිචර්ඩ් එන්ගරාවාගේ පන්දුවක් හමුවේ ය.
නායකත්වයේ ඉනිමක් ක්‍රීඩා කළ චරිත් අසලංක ලකුණු 71ක් රැස් කළේ ය.
ජනිත් ලියනගේ සහ කමිඳු මෙන්ඩිස් නොදැවී කඩුල්ලේ රැදී සිටිමින් ශ්‍රී ලංකා කණ්ඩායම ජයග්‍රහණය කරා රැගෙන ගියේ ය.
ශ්‍රී ලංකා කණ්ඩායම පන්දුවාර 49යි පන්දු 3කදී කඩුලු 5ක් දැවී ලකුණු 278ක් රැස්කරමින් තරගයේ ජය වාර්තා කළේය.
පැතුම් නිස්සංක පන්දු 136කට ලකුණු 122ක් රැස් කළ අතර තරගයේ මෙන්ම තරගාවලියේ වීරයා සම්මානය ද හිමිකර ගත්තේය. ශ්‍රී ලංකා කණ්ඩායම වෙනුවෙන් චරිත් අසලංක ලකුණු 71ක්, සදීර සමරවික්‍රම ලකුණු 31ක් සහ ජනිත් ලියනගේ නොදැවී පන්දු 16කට ලකුණු 19ක් රැස් කිරීමට සමත් විය.
සිම්බාබ්වේ කණ්ඩායමට එරෙහි පළමු එක්දින ක්‍රිකට් තරගයේ දී ලකුණු 07ක තියුණු ජයක් ලැබීමට සංචාරක ශ්‍රී ලංකා ක්‍රිකට් කණ්ඩායම සමත් විය.
ඒ අනුව සිම්බාබ්වේ කණ්ඩායම සමග පැවති එක්දින ක්‍රිකට් තරගාවලිය තරග 2ට 0ක් ලෙස ජය ගැනීමට ශ්‍රී ලංකා කණ්ඩායම සමත් විය.
