දෙදෙනෙකු වන ඇල්ජීරියාවේ ඉමාන් කලීෆ් සහ තායිවානයේ ලින් යූ-ටිං මේ මස එංගලන්තයේ පැවැත්වෙන ලෝක ශූරතාවලියට සහභාගි වන්නේ නැහැ.
ඊට හේතුව වී තිබෙන්නේ එම තරගාවලියට සහභාගි වන සියලුම බොක්සිං ක්‍රීඩිකාවන් අනිවාර්ය ජානමය ලිංගික පරීක්ෂාවකට ලක්විය යුතුය යනුවෙන් ගෙනැවිත් තිබෙන නව නීතිය.
බොක්සිං ක්‍රීඩාවේ නව ගෝලීය පාලකයන් වන ලෝක බොක්සිං ආයතනය මේ අලුත් නීතිය පසුගිය මාසයේ නිවේදනය කළේ ලිංගික සුදුසුකමේ දෝෂාරෝපණ මධ්‍යයේ කලීෆ් හා ලින් පැරිස් ඔලිම්පික් බොක්සිං රන් පදක්කම් දිනාගෙන වසරක කාලයකට පසුව.
ලින් ට ලෝක බොක්සිං ශූරතාවලිය මඟහැරීමට සැලසුමක් නැතැයි ඇගේ පුහුණුකරු අගෝස්තු 21 වැනි දින ප්‍රකාශ කර තිබුනා. “ජාන පරීක්ෂාවේ නව නීතිය නිසා තරගාවලියෙන් ඉවත් වීමක් ගැන ඇය කල්පනා කර නැහැ. අපි තරග සංවිධායකයන් ඉල්ලා ඇති අදාල ලියකියවිලි සියල්ල සාමාන්‍ය පරිදි ඉදිරිපත් කරනවා” යනුවෙන් ලින්ගේ පුහුණුකරු එදා කියා තිබුනා.
කෙසේ වෙතත්, ලින් ලෝක ශූරතාවලියට සහභාගි නොවන බව කියන තායිවාන බොක්සිං සංගමයේ ප්‍රකාශකයෙක් ඒ සම්බන්ධ වැඩි විස්තර ලබා දීම ප්‍රතික්ෂේප කර තිබෙනවා. පසුව ලෝක බොක්සිං ආයතනය ද ලින් තරග නොකරන බව ස්ථිර කළා.
ලිවපූල් නගරයේදී සැප්තැම්බර් 4 සිට 14 දක්වා පැවැත්වෙන්නේ ජාත්‍යන්තර බොක්සිං සංගමය වෙනුවට මේ වසර මුලදී ගෝලීය බොක්සිං පාලකයන් ලෙස පත්වූ ලෝක බොක්සිං ආයතනය සංවිධානය කරන පළමු තරගාවලිය.
මේ අතර, ජානමය පරීක්ෂණයකට මුහුණ දුන්නේ නැත්නම් තමාට ඉදිරියේ පැවැත්වෙන කාන්තා බොක්සිං තරගවලට සහභාගි වීම තහනම් කෙරෙන ලෝක බොක්සිං තීරණයට එරෙහිව ඉමාන් කලීෆ් ක්‍රීඩාවේ ඉහළම උසාවියට ඇපෑලක් ඉදිරිපත් කර තිබෙනවා.
එම නීතිය අවලංගු කර කලීෆ් ට ජාන පරීක්ෂණයට ලක්නොවී ලෝක බොක්සිං ශූරතාවලියේ කාන්තා අංශයේ තරග කිරීමට ඉඩ දෙන ලෙසට මේ ඇපෑලෙන් ඉල්ලා ඇතැයි ක්‍රීඩාව සඳහා වන බේරුම්කාර උසාවිය ප්‍රකාශ කරනවා.
නඩුව විභාග වන අතරතුර ලෝක බොක්සිං තීරණය අත්හිටුවන ලෙසට ද කලීෆ් ඉල්ලා තිබෙන අතර උසාවිය එම ඉල්ලීම නිෂ්ප්‍රභ කර තිබෙනවා.
(සටහන | වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com
