ඩෙන්මාර්ක ක්‍රීඩකයන්ට අවශ්‍ය වුනා.
මේ පිටුපස තිබෙන්නේ බිය උපදවන කතාවක්...
Borussia Dortmund පාපන්දු සමාජයීය ක්‍රීඩාංගණය ඉහළ අහසේ ඇතිවූ දරුණු විදුලි කෙටීම
Borussia Dortmund පාපන්දු සමාජයීය ක්‍රීඩාංගණය ඉහළ අහසේ ඇතිවූ දරුණු විදුලි කෙටීම නිසා ඩෙන්මාර්ක ක්‍රීඩකයින්ගේ උවමනාව පරිදි තරගය අත්හිටුවීමට තරග විනිසුරු මයිකල් ඔලිව ට සිදුවුනා. ක්‍රීඩකයන් පිටියේ සිට නැවත ඔවුන්ගේ කාමරවලට ගිය අතර තරගය නැවත ආරම්භ වූයේ මිනිත්තු 15කට පමණ පසුව.
අවසානයේ ජර්මනිය ගෝල් 2-0කින් තරගය ජය ගත්තා.
ගිගුරුම් සහිත අකුණුවලට ඩෙන්මාර්ක ක්‍රීඩකයන් මෙසේ ප්‍රතිචාර දක්වමින් ඔවුන්ට තරගය නතර කිරීමට අවශ්‍ය වූයේ ඇයි?
අකුණු වැදීමකට ලක්වූ ජොනතන් රික්ට
2009 වසරේ පැවති ඩෙන්මාර්ක ලීග් පාපන්දු තරගයක් අතරතුර අකුණු වැදීමකට ලක්වූ ජොනතන් රික්ට (Jonathan Richter) ක්‍රීඩකයා පිළිබඳව ඩෙන්මාර්ක් ක්‍රීඩකයන් දැන සිටීම මීට හේතුව යි. ඒ තරගයේ ක්‍රීඩා කරමින් සිටියදී වැදුනු අකුණු සැරෙන් ජොනතන් ට ඔහුගේ වම් පාදයේ පහළ කොටස අහිමි වුනා. මේ නිසා එදා 24 වැනි වියේ පසුවෙමින් සිටි මේ ක්‍රීඩකයාට පාපන්දු ක්‍රීඩාවෙන් සමුගැනීමට සිදුවුනා.
අකුණු සැර වැදී පාදයෙන් කොටසක් අහිමි වන විට ජොනතන් ක්‍රීඩා කරමින් සිටියේ Nordsjaelland පාපන්දු ක්‍රීඩා සමාජය ට. එදා ඒ කණ්ඩායමේ ඔහුගේ පුහුණුකරුව සිටියේ අද ඩෙන්මාර්ක ජාතික කණ්ඩායමේ පුහුණුකරු වන Kasper Hjulmand.
ජොනතන් ක්‍රීඩා කරමින් සිටියේ Nordsjaelland පාපන්දු ක්‍රීඩා සමාජය ට
සිද්ධිය ඇතිවුනේ 2009 වසරේ ජූලි 22 වැනි දිනයේ Nordsjaelland හා Hvidovre සමාජ කණ්ඩායම් අතර පැවැති තරගය අතරතුර.
අකුණු සැර වැදී සති හයකට පසුව ජොනතන්ගේ වම් පාදයේ පහළ කොටස සැත්කමකින් කපා දැමුනා. ඔහු සති දහයක කාලයක් සිහි මුර්ජාව සිටියා.
දැන් 39 වැනි වියේ පසුවන ජොනතන් රික්ට ඩෙන්මාර්ක ලීගයේ සිවුවැනි කොටසේ ක්‍රීඩා කරන Graesrodderne පාපන්දු සමාජයේ පාලක මණ්ඩලයේ සේවය කරනවා.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com