තීරණය කර තිබෙනවා.
මේ අනුව, ශබ්ද නගා පිස්සු නැටුවොත් බන්ධනාගාරගත කිරීමේ නීතිය ලිහිල් කර තිබෙන්නේ බීමතින් ඝෝෂාකාරීව සිංදු කියන විශේෂයෙන් එංගලන්ත පාපන්දු ක්‍රීඩා ලෝලීන්ව දිරිගන්වමින්.
මේ නීතියේ ලිහිල් වීමත් සමග, ජර්මනියේ බාර් සහ ක්‍රීඩා ලෝලීන්ගේ කලාපවල සිට මධුවිත පානය කරමින් Three Lions ගීය එංගලන්ත කණ්ඩායමේ සර්බියාව ට එරෙහි ‘යුරෝ’ ආරම්භක තරගයේදී පටන් ම ශබ්ද නගා ගායනා කිරීමේ අවස්ථාව එංගලන්ත පාපන්දු ලෝලීන්ට උදාවී තිබෙනවා.
ජර්මනියේ පවතින මේ සිරගත කිරීමෙන් අවසන් වන දැඩි නීති රෙගුලාසිවලට අනුව කෑගැසීම හා ඝෝෂා කිරීම සාමාන්‍යයෙන් තහනම්. නමුත් ‘යුරෝ’ තරග සංවිධායකයන් තරගාවලිය පැවැත්වෙන ජූනි මාසයේ මේ නීතිය සැහැල්ලු කිරීමකට අත්සන් කර තිබෙනවා.
මේ පියවරට අනුව තණකොළ යන්ත්‍ර ක්‍රියාකරවන්නන්ට ද මැදියම් රැයේදී ක්‍රීඩාංගණවල තණ පිට්ටනිය කප්පාදු කිරීමට අවස්ථාව ලැබෙනවා.
නීතියේ මේ වෙනස නැතිව ‘යුරෝ’ තරගාවලිය පැවැත්වීම අසීරු බවත් අවශ්‍යව තිබෙන්නේ සැණකෙළි සිරි ගත් වටපිටාවක් බවත් අවන්හල් හිමියන් පවසනවා.
Ruhezeit නමින් හැඳින්වෙන නිශ්ශබ්දතා කාලයේ නීතිය යටතේ, ඉරිදා දිනවල සවස පැවැත්වෙන ඔ්නෑම දේශීය ලීග් තරගයක් පස්වරු 10,00 ට බොහෝ කළින් අවසන් කළ යුතු වන අතර එම තරග සාමාන්‍යයෙන් රූපවාහිනීගත කරන්නේ නැහැ.
එහෙත් ‘යුරෝ’ තරගාවලියේ පැවැත්වෙන තරග 51න් භාගයක් පමණ ආරම්භ වීමට නියමිතව තිබෙන්නේ පස්වරු 9.00 ට.
එබැවින් දඩ ගෙවීමේ අවදානමක් නොගෙන ක්‍රීඩා ලෝලීන්ට එළිමහනේ සතුටු වීම සඳහා ඉඩ සැලසීමට බාර් සහ ක්‍රීඩා ලෝලීන්ගේ කලාපවලට හැකියාවක් නැහැ. දඩය නොගෙවුවොත් සිදුවන්නේ සිර දඬුවම් විඳින්නයි.
එංගලන්ත කණ්ඩායම ක්‍රීඩා කරන Cologne සහ Gelsenkirchen යන නගර පිහිටි Rhine-Westphalia ජර්මන් ප්‍රාන්තයේ අවන්හල් රාත්‍රී නවයකදී පෙරවරු 1.00 දක්වාත්, රාත්‍රී දහතුනකදී මධ්‍යම රාත්‍රිය දක්වාත් විවෘතව තබා ගැනීමට දැන් ඉඩ ලැබෙනවා.
නමුත් ශබ්ද විකාශන යන්ත්‍ර, පදිංචිකරුවන්ගෙන් හැකි තරම් දුරින් තබා ගත යුතු වන අතර ඒවායේ ශබ්දය අඩුවෙන් තබා ගත යුතු වනවා.
මැදියම් රැය දක්වා බාර්වල ශබ්දය පවත්වා ගෙන යාමට ඉඩ ලැබෙනවා. නමුත් තරගයේ අවසාන විසිල් හඬ නිකුත් වීමත් සමග රූපවාහිනී යන්ත්‍ර ක්‍රියා විරහිත කළ යුතුව තිබෙනවා.
සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
gunasekera33@gmail.com