ලංකාවේ ඉන්ධන ටෙන්ඩර් රුසියානු රාජ්‍ය සමාගම්වලට විවෘත වෙයි

ඇමෙරිකානු WTI බොරතෙල් ප්‍රවාහන වියදම් සහ ප්‍රවාහන කාලය අධික වීම නිසා ලංකාව විකල්ප සොයයි.

ලංකාව මෑතකදී ඇමෙරිකානු WTI බොරතෙල් මිලදී ගැනීමට අනුමැතිය දී පළමු නැව්ගත කිරීම ගෙන්වා ගත්තද, ඉහළ නැව් ගාස්තු (Freight Cost) සහ මාසයකට අධික දිගු ප්‍රවාහන කාලය නිසා එය ආර්ථික වශයෙන් ලාභදායී වී නැත. රුසියානු සමාගම් සෘජුවම ටෙන්ඩර් ක්‍රියාවලියට කැඳවීම හරහා ලංකාවට වඩාත් සහනදායී මිලකට ඉන්ධන ලබාගැනීමේ නව භූ-දේශපාලනික අවස්ථාවක් උදාවෙයි.

සීපීසීයේ අලුත්ම තීරණය සහ කොන්දේසි

ලංකා ඛනිජ තෙල් නීතිගත සංස්ථාවේ (CPC) කළමනාකාර අධ්‍යක්ෂ ආචාර්ය මයුර නෙත්තිකූමර ට අනුව පසුගිය සතියේදී මෙම ලියාපදිංචිය නිල වශයෙන් සිදුකර තිබේ.

ලියාපදිංචි කළ සමාගම්:
රුසියානු රාජ්‍ය සතු ලොව ප්‍රමුඛතම බලශක්ති සමාගමක් වන "රොස්නෙෆ්ට්" (Rosneft) ඇතුළු එරට රාජ්‍ය සමාගම් දෙකකි.

ඇමෙරිකානු සම්බාධක කොන්දේසිය:
රුසියාවට එරෙහි ඇමෙරිකානු (U.S.) මූල්‍ය සහ වෙළඳ සම්බාධක තාවකාලිකව ඉවත් කර පවතින තාක් කල් පමණක් මෙම සමාගම්වලට ලංකාවේ තරඟකාරී ටෙන්ඩර් ක්‍රියාවලියට ඍජුවම දායක විය හැකිය.

සහනාධාර අර්බුදය සහ ප්‍රවාහන පිරිවැය

සීපීසී සභාපති ඩී.ජේ. රාජකරුණා පෙන්වා දෙන්නේ ඇමෙරිකාවේ සිට තෙල් ප්‍රවාහනය කිරීමේදී පවතින අධික පිරිවැය හේතුවෙන් ලෝක වෙළඳපොළේ වෙනත් විකල්ප වෙත යාම අත්‍යවශ්‍ය වී ඇති බවයි.

මේ වනවිට ඉන්ධන සහනාධාරය වෙනුවෙන් රුපියල් බිලියන 57ක් වෙන්කර ඇත.

වෙන්කළ බිලියන 57ක මුදල අවසන් වූ පසු, ඉදිරියටත් සහනාධාර ලබාදෙන්නේද නැද්ද යන්න පිළිබඳව රජය මෙතෙක් නිශ්චිත තීන්දුවක් ගෙන නොමැත.

මුලාශ්‍රය :

Russian State-Owned Companies Cleared to Bid for Sri Lanka Fuel Tenders