එමලි බ්‍රොන්ටේ : අත් අකුරින් ලියූ කවි එකතුවක් පවුම් මිලියනයකට වෙන්දේසියේ

අත්පිටපත් එකතුවක් ඇතුලත් "නැතිවූ පුස්තකාලය" වෙන්දේසියට දමා තිබෙනවා.  

 

ඔන්රස්ෆීල්ඩ් නම් මෙම පුස්තකාලය සියවසකට ආසන්න කාලයක් ජනයාට විවෘත නොවුනි. 

 

එමලි බ්‍රොන්ටේගේ සහෝදරියක් වූ, "ජේන් අයර්" කෘතියේ කතුවරිය චාලට් බ්‍රොන්ටේ විසින් පැන්සලකින් සටහන් දමා ඇති- එමලිගේ කවි අත්පිටපත් පවුම් ලක්ෂ 8ක සිට පවුම් මිලියනයක් අතර මුදලකට විකිනීමටත් ඇයගේ වදරින් හයිට්ස් නවකතාවේ පළමු මුද්‍රණය පවුම් ලක්ෂ දෙකක සිට ලක්ෂ තුන අතර මිලකට වෙන්දේසි කිරීමටත් Sotheby වෙන්දේසි සමාගම අපේක්ෂා කර යි.  

 

ලේඛිකාවක ලෙස සිය ජිවිත කාලය තුල එතරම් ප්‍රසිද්ධියක් නොලද එමලි, 1848 දී කාස රෝගයෙන් මියයාමට වසරකට පමණ පෙර ලියූ "වදරින් හයිට්ස්", ඉංග්‍රීසි සම්භාව්‍ය සාහිත්‍යයේ සුවිශේෂී කෘතියක් ලෙස සැලකෙන අතර එය අදටත් සාහිත්‍ය ලෝලීන්ගේ පැසසුමට ලක්වන වන්නකි.

 

 

 

 

 

බ්‍රොන්ටේ පවුල ජිවත් වූ යෝක්ෂයර් පළාතේ හැවර්ත් හි සිට හැතැප්ම 20කට අඩු දුරකින් පිහිටි රෝච්ඩෙල් හි හැදී වැඩුණු ඇල්ෆ්‍රඩ් සහ විලියම් ලෝ නම් සහෝදරයින් දෙදෙනා විසින් මුලින්ම මෙම පුස්තකාලය සම්පාදනය කරන ලදී. 

 

එය බ්‍රොන්ටේ පවුලට අයත් අත්පිටපත්, කෘති රොබර්ට්ස් බර්න් නම් කවියාගේ කවි, සටහන්, පෞද්ගලික ලිපි සර් වෝල්ටර් ස්කොට් නම් ලේඛකයාගේ නිර්මාණ ඇතුළු 18-19 වැනි සියවසට අයත් වටිනා බ්‍රිතාන්‍ය සාහිත්‍ය නිර්මාණ එකතුවකින් සමන්විත වූවකි. 

 

ඔන්රස්ෆීල්ඩ් නිවසේ එකට විසු ලෝ සහෝදරයින් මියගිය පසුව පුස්තකාලය ඇතුළු දේපල ඔහුගේ බෑනාට හිමිවූ අතර 1939 දී ඔහුගේ බෑනා ද මියයාමෙන් පසුව පුස්තකාලය ලොවෙන් වසන් වුණි.

 

(ආවාරා)

 

බෙලෝරුසියන් මාධ්‍යවේදියා පැහැරගැනීම රාජපක්ෂ මිතුරෙකුගේ වැඩක්...

 

හොර පාරේ පොහොට්ටුවට එන්නත් ගිය හැටි මෙන්න තොරතුරු එළියට...