තිබෙනවා.
දැඩි ආරක්ෂක රැකවල් මැද මෙම චිත්‍රපට ප්‍රදර්ශනය සිදු කර ඇත්තේ පසුගිය බදාදා (22) එරට ජාතික රඟහලේ දී ය.
මෙම රඟහල, අප්‍රිකානු ජාතීන්ගේ අඟ (horn) ලෙසින් සැලකෙන සෝමාලියාව තුළ දීර්ඝ කාලයක් තිස්සේ ඇතිවූ ගැටුම් සිහිගන්වන ඉතිහාසයක් ඇති ස්ථානයකි.
මරාගෙන මැරෙන බෝම්බකරුවන්ට ඉලක්කයක් වූ මෙම රඟහල යුද ප්‍රධානින් විසින් කඳවුරක් ලෙස ද භාවිතා කර තිබුණි. එසේම, ඉකුත් බදාදා (22) වනතෙක් එහි කෙදිනක හෝ සෝමාලි සිනමාපටයක් ප්‍රදර්ශනය කර තිබුණේ නැත.
"අද සෝමාලි ජනතාවට ඓතිහාසික රාත්‍රියක් වේවි: අවුරුදු ගාණක අභියෝගවලට පස්සේ.. බලාපොරොත්තු යළි පිබිදෙන විදිය මේකෙන් පේනවා," යැයි රඟහලේ අධ්‍යක්ෂ අබ්දිකදීර් අබ්දී යුසුෆ් චිත්‍රපට තිරගත කිරීමට පෙර පැවසුවේ ය.
"සෝමාලි ගීත රචකයින්ට, කතා කියන්නන්ට, චිත්‍රපට අධ්‍යක්ෂවරුන්ට වගේම නළුවොන්ට තමන්ගේ දක්ෂතා විවෘතව පෙන්නන්න ඉඩ ලබා දෙන වේදිකාවක්."
සෝමාලි අධ්‍යක්ෂ ඉබ්‍රහිම්ගේ "Hoos" සහ "Date from Hell" යන කෙටි චිත්‍රපට දෙක එදින පස්වරුවේ ප්‍රදර්ශනය කෙරුණි. එහි එක් ප්‍රවේශපත්‍රයක් අලෙවි කෙරුණේ ඩොලර් දහයකට වන මුත් එය බොහෝ දෙනකුට දැරිය නොහැකි මිලකි.
මාවෝ සේතුංගේ ත්‍යාගයක් ලෙස 1967 දී මොගඩිෂු නුවර ඉදිවූ මෙම රඟහල 1991 එරට සිවිල් යුද්ධයේ ඇරඹුමත් සමඟ කලා කටයුතු සඳහා විවෘත නොවුණි.
(අවාරා)