‘‘මගේ උපන්තෙකට මෙහෙම දරුවෙක් නං දැකල නෑ.’’
‘‘දරුවොත් දැක්ක මෙහෙම දරුවෙක් නං දැකල නෑ.’’
මේ ආකාරයට පවසන දෙමාපියන් ඔබට අනන්තවත් මුණගැසී ඇතුවාට සැක නැත. එමෙන් ම ඔබ ද කිසියම් දවසක ඔබේ ම දරුවා පිළිබඳව හෝ වෙනත් දරුවකු පිළිබඳව මේ ආකාරයට පවසා තිබෙන්නට පිළිවන. ඒ තමන්ගේ දරුවා තමන්ට රිසි ආකාරයෙන් කීකරු කරවා ගැනීමට (හදා ගැනීමට) නොහැකි වීම හේතුවෙනි.
ඇතැම් දෙමාපියන් දරුවන් යහමගට ගැනීමේ බලාපොරොත්තුවෙන් කුඩා අවධියේ සිට ම විවිධ නීති රීති පනවයි; ඇතැම් දෙමාපියන් තමන්ගේ ම දරුවන්ට වුව ද විවිධාකාරයේ දඬුවම් පමුණුවන්නට පෙලඹී සිටී. ඒ දෙමාපියන් එසේ කරන්නේ තම දරුවන් කෙරෙහි අමනාපයකින් හෝ වෛරයකින් නොවේ. ඔවුන් විශ්වාස කරන්නේ ඔවුන් ඒ ආකාරයට දඬුවම් පැමිණුවහොත් හෝ නීති රීතිවලට යටත් කරවුහොත් තම දරුවා හොඳින් හදා වඩාගත හැකිය යනුවෙනි. නමුත් එය එසේ විය හැකි ද...?
නැත... කිසි සේත් ම නැත. එසේ නම් ඊට පිළිතුර කුමක් ද...?
දරුවකු නිවැරැදි ලෙස හදා වඩාගැනීම සඳහා ද විද්‍යාත්මක ක්‍රමවේද පවතී; මේ සම්බන්ධයෙන් නවීන විද්‍යානුකුල පර්යේෂණ පවා පවත්වා ඇති අතර තව දුරටත් එවැනි පරීක්ෂණ සිදු කරමින් පවතී. එම පර්යේෂණ මොනවා ද යන්න බොහෝ දෙමාපියන්ට දැනගැනීමට අවස්ථාව නොලැබෙන්නට පිළිවන.
පහත පළවන්නේ එය පහසු කරවීම සඳහා විශේෂඥ වෛද්‍ය නදී පීරිස් (MBBS, Msc, phd) ඉදිරිපත් කරන උපදෙස් මාලාවක් අන්තර්ගත විඩියෝවකි. එය නැරඹීමෙන් ඉක්බිති දෙමාපියන් වන ඔබ කිසිවකු යට පැවසූ ආකාරයේ දුර්මත අනාගතයේ දී ප්‍රකාශ නොකරනු ඇත.
(සටහන : ජයසිරි අලවත්ත)