"Antique කඩයක මරණයක්" වේදිකා රංගය සමඟින් සම්මානිත සිනමා අධ්‍යක්ෂ අශෝක හඳගම වසර 31 කට පසුව නැවත වරක් වේදිකා නාට්‍ය අධ්‍යක්ෂණයට පිවිසෙන්නේ ය.
සම්මානිත රංගවේදී සෞම්‍ය ලියනගේ, නිපුනි ශාරදා, ක්‍රිෂාන්ත ජයබාහු, ස්ටෙෆන් තිරිමාන්න, පසන් රණවීර රංගනයෙන් එක්වන මෙම වේදිකා නාට්‍යයේ සංගීත අධ්‍යක්ෂණය චින්තක ජයකොඩි විසිනි.
"Antique කඩයක මරණයක්" මාර්තු 19, 20, 21 රාත්‍රී 7ට ලයනල් වෙන්ඩ්ට් රඟහලේ දී වේදිකා ගත කිරීමට නියමිත ය.
අශෝක හඳගම මීට ඉහත දී වේදිකා නාට්‍යය දෙකක් නිර්මාණය කළේ ය. ඒවා නම්, 1987 දී හෙණ සහ 1989 දී මාඝාත යන නිර්මාණ යි.
නාට්‍ය කලාවෙන් විරාම ගෙන සිටියත් නාට්‍ය කලාව මුළුමනින්ම අත්හැර සිටීමේ උවමනාවක් නොතිබූ බව පසුගිය වසර අග දී අශෝක හඳගම සිය සමාජ මාධ්‍ය ගිණුමක සඳහන් කර තිබුණි.
"නාට්‍යයක් කිරීමට නැවත අත ගැසීම විශාල අභියෝගයක්. ලංකාවේ වේදිකා නාට්‍ය පිරිහිලා යැයි කීම මා පිළිගන්නේ නැහැ. එය අතීතයට වඩා දියුණු බවයි මගේ තක්සේරුව. ප්‍රේක්ෂකාගාරය හැකිලීම ප්‍රේක්ෂකයින් ගේ ගැටලුවක් මිසක් නාට්‍ය කරුවන් ගේ ගැටලුවක් නොවෙයි. ඒ නිසා කාලෙකට පස්සේ වේදිකාවට පය තබන විට දැනෙන්නේ පරණ පුරුදු මහ ගෙදරට කාලෙකට පස්සේ ගොඩ වෙනකොට දැනෙන චකිතය මුසු ආශාවක්."
(අවාරා)
##############
තවත් ඇන්දිල්ලක් : ෆේල් වියත්මග වෙනුවට වියතුන්ගේ හඬ එයි
විත්තිකාරයෝ නිදහස් කරන අරුම පුදුම කැකිල්ලේ කොමිසම