විධිමත් විමර්ශනයකට මුහුණ දෙනු ඇතැයි තමන් විශ්වාස නොකරන බව, එම ඝාතන සිදුවීම මුල් කරගනිමින් වාර්තා චිත්‍රපටයක් නිර්මාණය කළ ඔස්කාර් සම්මානලාභී අධ්‍යක්ෂ බ්‍රයන් ෆොගල් පවස යි.
ඇමරිකා එක්සත් ජනපදයේ නවතම බුද්ධි අංශ වාර්තාවක් අනුව මෙම සෞදි මාධ්‍යවේදියාගේ ඝාතනයට මොහොමඩ් බින් සල්මාන් කුමරු සිය අනුමැතිය ලබා දී ඇති බව හෙළි වේ.
සෞදි අරාබි පාලනය දැඩි ලෙස දෝෂ දර්ශනයට ලක් කළ ජමාල් කෂෝගි 2018 වසරේ තුර්කියේ, ඉස්තාන්බුල් නගරයේ සෞදි තානාපති කාර්යාලය තුළ දී මරා දමා තිබුණි. ඔහුගේ මෘත සිරුර කිසිදා සොයා ගැනීමට නොහැකි වූ අතර සෞදියේ ඔටුන්නට හිමි කුමරු තමන්ට එල්ල වන චෝදනා ප්‍රතික්ෂේප කර සිටියි.
කශෝගීට සිදුවුයේ කුමක්ද, ඔහුගේ ඝාතනයට අණ දුන්නේ කවුද යන්න බ්‍රයන් ෆොගල්ගේ The Dissident නම් වාර්තා චිත්‍රපටයෙන් විමසා බලනු ලබයි.
තුර්කි රජය සතු ලේඛන අනුව යමින් ෆොගල්ගේ චිත්‍රපටය අඟවා සිටින්නේ කශෝගීගේ හුස්ම හිර කර මරා දමා, තානාපති කාර්යාලය තුල දී ම සිරුර කොටස්වලට වෙන් කර ඇති බව ය.
රටින් පිටුවහල් කර සිටින සෞදි ක්‍රියාකාරීන්ට එරෙහිව ඔත්තු බැලීමේ උපකරණ පාවිච්චි කිරීම ගැනත්, දුරකථන ඇමතුම්වලට රහසිගතව සවන් දීම ගැනත් සිනමාපටය විමර්ශනයේ යෙදෙයි.
"ඔටුන්න හිමි කුමාරයාගේ පෞද්ගලික ජෙට් යානය කොහේට හෝ ගොඩබානකොට ඔහු අත්අඩංගුවට ගන්න පුළුවන් වෙන විදියට ඉන්ටර්පෝල් වරෙන්තුවක් නිකුත් කරාවි කියලා මම නං හිතන් නෑ. ඒක කවදාවත් වෙන දෙයක් නෙවෙයි," යනුවෙන් අධ්‍යක්ෂ ෆොගල් පවස යි.
"ජමාල් කශෝගී කියන්නේ, තමන්ගේ රට වඩාත් හොඳ තැනක් බවට පත් කිරීමේ අරමුණක් තිබුණු මිනිහෙක්, අතිශය දරුණු විදිහට ඔහු නිහඬ කර දැම්මා."
"සෞදියේ රැඳෙමින් නිහඬව ඉන්නවද, නැතිනම් තමන්ගේ ජීවිතය අවදානමක හෙලමින් රටින් පිටුවහල් වෙලා බලය ගැන ඇත්ත හෙළි කරනවා ද, යන මේ තීරණ දෙකින් එකක් තෝරා ගැනීමට ඔහුට සිදුවූ ආකාරය ගැන සිනමාපටයෙන් ඔබට දකින්න ලැබේවි. ඒ තීරණයට ඔහුගේ ජිවිතයෙන් වන්දි ගෙවන්න සිදුවුනා."
The Dissident සිනමාපටයේ ජගත් මංගල දර්ශනය පසුගිය වසරේ Sundance සිනමා උළෙලේ දී පැවැත්වුණි.
පාස්කු බෝම්බ සෙට් කලේ මෛත්‍රී ද ?