ඒ අනුව දේශීය ආදායම් දෙපාර්තමේන්තුවේ 94වෙනි උපන්දිනය යෙදෙන ලබන අප්‍රේල් 02දා සර්ව ආගමික වතාවත්වලට මුල්තැන දෙමින් මෙය පැවැත්වේ.
මුදල් හා ක්‍රම සම්පාදන ආර්ථික සංවර්ධන ඇමැතිවරයාද වන ජනාධිපති අනුර කුමාර දිසානායක ගේ උපදෙස් හා මග පෙන්වීම මත මෙරට ඉතිහාසයේ වැඩිම බදු ආදායමක් එකතු කළ වසර ලෙස 2025 පත්විණි.
එය තව දුරටත් වර්ධනය කර ගනිමින් ඉදිරියට සෑම වසරකම ඉහළ බදු ආදායමක් ලබා ගැනීමට උපාය මාර්ගික වැඩපිළිවෙලක් යෙදීම සහ ඊට දායක වූවන්ට ආශීර්වාද කිරීම මෙහි අරමුණවී තිබේ.
කම්කරු ඇමැති හා මුදල් හා ක්‍රමසම්පාදන නියෝජ්‍ය ඇමැති අනිල් ජයන්ත ප්‍රනාන්දු සහ ආර්ථික සංවර්ධන නියෝජ්‍ය ඇමැති නිශාන්ත ජයවිර ගේ ප්‍රධානත්වයෙන් මෙම වැඩසටහන පැවැත්වේ.
මෙවර ජාතික බදු දින (National Tax Day) තේමාව දේශීය ආදායම් දෙපාර්තමේන්තුවේ වසර 94 ක අභිමානය ඉහළ නංවාලීමයි.
යහපත් අනාගතයක් කරා බදු ආදායම් වැඩිකර ගැනීම ("Taxes - for a Better Future" ) අරමුණ ඇතිව දේශීය ආදායම් දෙපාර්තමේන්තුව, ජනාධිපති කාර්යාලයේ බදු පිළිබඳ විශේෂ ඒකකය මෙය සංවිධානය කරයි.
තම දෙපාර්තමේන්තුව ස්ථාපිත කර වසර 94ක් සපිරීම නිමිත්තෙන් බදු ගෙවන්නන් ඇගයීම සහ බදු සාක්ෂරතාවය ඉහළ නැංවීම ජාතික දිනය දා සිදු කිරිමට අපේක්‍ෂා කරන බව දේශීය ආදායම් කොමසාරිස් ජනරාල් රුක්දෙවි ප්‍රනාන්දු කිවාය.
(සටහන | ජේ.මුණසිංහ)
