නායයාමේ අවදානමක් සහිත එම වලස්ගලකන්ද පිළිබඳව භූ විද්‍යාඥයන් යොදවා විශේෂ භූ පරීක්ෂණයක් සිදුකරන ලෙසද ගම්වාසීන් අදාළ වගකිව යුතු රාජ්‍ය බලධාරින්ගෙන් ඉල්ලා සිටිති.
පවතින මෙම නායයාම් තර්ජනය හේතුවෙන් 'දැහැමිගම' සමහර පදිංචිකරුවන් තම නිවෙස් වලින් ඉවත්ව තම ඥාතී නිවෙස් වල තාවකාලිකව රැඳී සිටිති.
තමන් මේ වන තෙක් අවතැන් කඳවුරක සිටින බැවින් කන්ද නාය යන අනතුරුදායක තත්ත්වයක පවතින්නේ නම් ඒ සම්බන්ධව සොයා බලා තමන්ට පදිංචිය සඳහා වෙනත් ආරක්ෂිත පෙදෙසක ඉඩම් ලබාදී නිවාස තනා ගන්නට රජයෙන් සහනයක් ලබදෙන්නැයි මෙම ජනතාව ඉල්ලා සිටිති
අවතැන් කඳවුරේ සිටින ජනතාව සහ නායගිය ස්ථාන කීපයක් මතුදක්වෙන ඡායාරූප වල දැක්වේ.
(සටහන | ජේ ඒ එල් ජයසිංහ/ චන්දන උඩුවාවල)
