ජාත්‍යන්තර දෙමළ මාධ්‍යවේදියකු වසර 22කට ඉහතදී ඝාතනය කිරීම සම්බන්ධයෙන් සැක පිට

එක්සත් රාජධානියේදී අයකු අත් අඩංගුවට ගැනීම පිළිබඳව ලාංකික හා ජාත්‍යන්තර මානව හිමිකම් කණ්ඩායම් ප්‍රසාදය පළ වී තිබේ.


බීබීසී මාධ්‍යවේදී නිමලරාජන් මයිල්වාගනම් යාපනයේදී ඝාතනය කිරීම හා සම්බන්ධයෙන් නම් නොකරන ලද 48 හැවිරිදි ශ්‍රී ලාංකික සැකකරුවකු අත් අඩංගුවට ගන්නා ලද බව අසුගිය සතියේ  බ්‍රිතාන්‍ය පොලිසියේ යුද අපරාධ ඒකකය විසින් ප්‍රකාශයට පත් කර තිබුණි.

"අත් අඩංගුවට ගැනීමට මගපාදන ලද ප්‍රගාමී පරීක්‍ෂණය විසින් පෙන්නුම් කරන්නේ විසි දෙවසරකට පසුව පවා යුක්තිය සහ වගඋත්තරදායකත්වය කෙරෙහි මෙට්‍රපොලිටන් පොලිසියේ ඇති කැපවීමයි. මාධ්‍යවේදීන් ඝාතනය කළ අය ලොව කොතැනක සිටියත් ආරක්ෂිත නැත. බීබීසී මාධ්‍යවේදියකුගේ ඝාතකයෙක් යැයි සැක කරන අයෙක් එක්සත් රාජධානියේ සැඟවී සිටීම පිළිකුල් සහගතයැ"යි, ශ්‍රී ලංකාවේ යුද අපරාධ සහ මානව වර්ගයාට එරෙහි අපරාධ පිළිබඳ විමර්ශනයෙහි නිරත සත්‍යය සහ යුක්තිය සඳහා වූ ජාත්‍යන්තර ව්‍යාපෘතියේ යස්මින් සූකා ප්‍රකාශ කළාය.

nimalarajan


2000 ඔක්තෝබර් 19 වැනිදා නිමලරාජන් මයිල්වාගනම් ඝාතනය විසින් ශ්‍රී ලංකාවේ ගැටුම්කාරී තත්ත්වය තුළ මාධ්‍යවේදීන් ඝාතනය කිරීමේ ලේ වැකි දඩයම් මගෙහි ඇරඹුම සනිටුහන් කරන ලද අතර සියල්ලන්ම නොවුණත් වින්දිතයන්ගෙන් වැඩි දෙනෙක් දෙමළ ජාතිකයෝ වූහ.


අදාළ සැකකරු අත් අඩංගුවට ගනු ලැබුණේ එක්සත් රාජධානියේ, 2001 ජාත්‍යන්තර අපරාධ අධිකරණ පනතෙහි 51 වැනි වගන්ති  ප්‍රකාරව ය. මෙකී ප්‍රතිපාදන මගින් ලොව කොතැනක හෝ සිදු වූ යුද අපරාධ, මානව වර්ගයාට එරෙහි අපරාධ හා වර්ග සංහාරයන් සම්බන්ධයෙන් අභිචෝදනා ගොණු කිරීමට සර්වභෞමික අධිකරණ බලය යටතේ එක්සත් රාජධානියට අනුමැතිය සපයයි.

අත් අඩංගුවට ගන්නා ලද්දේ නිමලරාජන් ඝාතනයේ ප්‍රධාන සැකකරුවකු වන නැපෝලියන් නමින් ප්‍රකට සෙබස්තියන්පිල්ලේ රමේෂ් බව ලාංකික හා ඩයස්පෝරා මාධ්‍ය ආයතන ගණනාවක්ම වාර්තා කර තිබුනත් බ්‍රිතාන්‍ය පොලිස් බලධාරීන් ඒ බව තහවුරු කළ බවක් දැනගන්නට නැත.


"දණ්ඩ මුක්තිය නොඉවසන බවට වන සංඥාවක් වශයෙනුත්, ශ්‍රී ලංකාව වැනි රටවල් අභිචෝදනා ගොනු නොකරන්නේ නම් වෙනත් විකල්ප ඇති බව කියාපෑමක් වශයෙනුත් මෙම සිදුවීම අතිශය වැදගත්කමක් උසුළතැ"යි රීඩ්‍රෙස් සංවිධානයේ චාලි ලවුඩන් ප්‍රකාශ කළේය. "එක්සත් රාජධානියේ පොලිසිය විසින් ශ්‍රී ලංකා බලධාරීන්ගේ සහයෝගයක් නොමැතිව හෝ යුක්තිය සොයාගැනීමට කටයුතු කරනු ඇතැයි අපි අපේක්ෂා කරමු."


2004 සිට 2010 දක්වා කාලය තුළ ඝාතනය කළ මාධ්‍යවේදීන් 44 දෙනකුගේ නම් ලේඛනගත කළ ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS) සංවිධානය කියා සිටියේ මෙමගින් වැදගත් පූර්වාදර්ශයක් සපයා ඇති බව ය.

"බරපතල අපරාධ සිදුකළ බවට සැක කරනු ලැබ දණ්ඩ මුක්තිය භුක්ති විඳි පුද්ගලයන් කොතැනක ජීවත්වූවද, දශක දෙකකින් පසුව පවා සිය ක්‍රියාවන් සම්බන්ධයෙන් නීතිමය ප්‍රතිවිපාකවලට මුහුණ දීමට ඔවුනට සිදුවනු ඇත. එම නිසා නිමලරාජන් වෙනුවෙන් යුක්තිය දිනාගැනීම විසින් අපරාධකරුවන්ට මෙන්ම, බරපතල අපරාධවලට ගොදුරුවූ වින්දිතයන්ගේ පවුල්වලටද පැහැදිලි පණිවිඩයක් සපයයි."

බීබීසී සිංහල සේවයේ යාපනය වාර්තාකරු වශයෙන් ක්‍රියාකළ නිමලරාජන්, ඇඳිරී නීතිය බලපවත්නා මොහොතක හමුදා සෝදිසි මුරපොළ තුනකට මැදිව පිහිටා තිබූ සිය නිවසේ බීබීසී ගුවන් විදුලි සේවයට සවන් දෙමින් සිටියදී ඝාතනය කරනු ලැබුණි. ප්‍රහාරයෙන් ඔහුගේ පවුලේ සාමාජිකයෝද තුවාල ලැබූහ.

ජනාවාසික ප්‍රදේශයක වෙඩි තබමින් අත් බෝම්බ පුපරුවා හළ ප්‍රහාරකයන් අල්ලා ගනු නොලැබුණ නමුත් ඊට අසමත් වූ හමුදා සෝදිසි මුරපොළවල් හරහා ප්‍රත්‍යන්ත රෝහලට ඔහුගේ සිරුර හා තුවාල ලැබූවන් ගෙනයාම සඳහා ලන්තෑරුමක් වනමින් ගමන් කිරීමට පවුලේ සාමාජිකයන්ට පැයක කාලයක් ගතවිය.  

සැකකරුවන්ට එරෙහිව ශ්‍රී ලංකාවේ ගොනුකර තිබූ නඩුකරයක් 2021 මැයි මාසයේදී සැකකරුවන් නිදහස් කරමින් ඉවතලන ලද නමුත් දෙදෙනෙකු විදේශගතව සිටින බවට වාර්තා විය. ශ්‍රී ලංකා බලධාරීන් විසින් ඔවුන් අත් අඩංගුවට ගැනීම සඳහා කිසි කලෙක ජාත්‍යන්තර වරෙන්තුවක් නිකුත් කරන ලද්දේද යන්න පැහැදිලි නැත.


වධ හිංසා පැමිණවීම සහ ප්‍රාණ ඇපයට ගැනීම පිළිබඳ චෝදනා මත ඇෆ්ඝන් යුද අධිපතියකු වූ ෆර්යාඩි සර්ඩාඩ් වරදකරු කරමින් සර්ව භෞමික අධිකරණ බලයට යටතේ එක්සත් රාජධානිය විසින් අවසන් වරට සාර්ථකව අභිචෝදනා ගොණු කරන ලද්දේ 2005දී ය. එතැන් සිට 2016දී නේපාල කර්නල්වරයකු වූ කුමාර් ලාමා සහ 2019 දී ලයිබීරියානු ජනාධිපති චාර්ල්ස් ටේලර්ගේ කලින් බිරිඳව සිටි ඇග්නස් රීව්ස් ටේලර් යන දෙදෙනාට එරෙහිව ගොණුකරන ලද අභිචෝදනා අසාර්ථක විය. නිමලරාජන් පිළිබඳ නඩු විභාගය, යුද අපරාධ සහ වෙනත් ජාත්‍යන්තර අපරාධ සිදුකළවුන් වගඋත්තරදායක කිරීමට එක්සත් රාජධානියේ අධිකරණ ක්‍රමය සමත්වේද යන්න පිළිබඳ පරීක්ෂාවක් වනු ඇත.

 
 සබැඳි පුවත් :
 

 

 

 

Leader Whats app

 

 

 

subscribeYT

WhatsApp Image 2021 09 13 at 13.49.58

නවතම පුවත්

ඇට මැස්සා