1200 x 80 DMirror

 
 

ආර්ථික අර්බුදයෙන් පීඩා විදින ලාංකිකයන්ට සහනාධාර ලබා දුන් තමිල්නාඩු මහ ඇමැති

කච්චතිව් දුපත නැවත ඉන්දියාවට පවරා ගත යුතු බවට යෝජනා කර තිබේ.

තමිල්නාඩු ප්‍රාන්තයේ චෙන්නායි අගනුවර පසුගිය බ්‍රහස්පතින්දා (26) පැවති උත්සවයකට අගමැති මෝඩි එක් වුයේ ද්‍රවිඩ මුන්නේත්‍ර කළහම් [DMK] පක්ෂය ප්‍රාන්තයේ බලය අල්ලා ගැනීමෙන් පසු පළමු වරටයි.

ඉන්දියාවේ හා උතුරේ ධීවරයන් අතර නිරන්තරයෙන් මුහුදේ දී ඇතිවන ගැටළු විසඳා ගැනීම වෙනුවෙන් කච්චතිව් දුපත යළි පවරා ගෙන තමිල්නාඩු ධීවරයන්ගේ පාරම්පරික උරුමය රැකදෙන ලෙස මහ ඇමැති ස්ටාලින් මෙහිදී ඉල්ලා සිටියේ ජවහර්ලාල් නේරු ක්‍රීඩාංගනයට රැස්ව සිටි මහ සෙනගගේ අත්පොලසන් මධ්‍යයේය.

එය ප්‍රාන්ත නායකයා ඉදිරිපත් කළ ප්‍රධාන ඉල්ලීම් හතරින් පළමුවැන්න විය.

ආර්ථික අර්බුදයෙන් මිදීම සඳහා ඉන්දීය ආණ්ඩුව දිගටම ලංකාවට උදව් කරන බව පැවසූ අගමැති මෝඩි කියා ඇත්තේ යාපනයේ සංචාරය කළ පළමු ඉන්දීය අගමැතිවරයා ලෙස තමන් දෙමළ ජනයා කෙරෙහි විශේෂ සැලකිල්ලක් දක්වන බවයි.



''ප්‍රජාතන්ත්‍රවාදය හා දේශපාලන ස්ථාවරත්වය ඇති කරන්න දෙමළ ජනයාට උදව් කරන ඉන්දියාව හැම විටම ජාත්‍යන්තරව හඬ නගනවා.''

තමිල්නාඩු මාධ්‍ය වාර්තාකර සිටියේ කච්චතිව් දුපත යළි පවරා ගැනීම ගැන කිසිවක් සඳහන් නොකිරීමට අගමැති මෝඩි මෙහිදී වග බලාගත් බවයි.

ඉන්දීය අගමැතිනිය වූ ඉන්දිරා ගාන්ධි 1974 දී කච්ච්ච්තිව් දුපත ලංකා ආණ්ඩුවට සාමකාමිව පවරා දුන්නේ එවකට අගමැතිනිය වූ සිරිමා බණ්ඩාරනායක සමග පැවති මිත්‍රත්වය හේතුවෙනි.

Sirima Indira

 ඉන්දීය හා ලාංකික ධීවරයන්ට සිය මසුන් මැරීමේ කාර්යයේදී ඉතා වැදගත් මධ්‍යස්ථානයක් ලෙස කච්ච්ච්තිව් දුපත සැලකේ.

ඉකුත් සතියේදී මාධ්‍යවේදීන් කැඳවූ මන්නාරම් දිස්ත්‍රික් ධීවර සංගම් නායකයන් ආණ්ඩුවට චෝදනා කළේ කච්චතිව් දුපත දිගු කාලීනව  ඉන්දියාවට බදු දීමේ සුදානමක් ඇති බවටයි.

ඊට දින කිහිපයකට පසු ගෝඨාභය -රනිල් ආණ්ඩුවේත් ධීවර ඇමතිවරයා ලෙස වැඩ බාරගත් ඩග්ලස් දේවානන්දා ''කච්චතිව් දුපත ඉන්දියාවට බදු දීමේ සැලසුමක් නොමැති බව'' ට සහතික විය.

ශ්‍රී ලංකාවේ ආර්ථිකය බිඳ වැටීම නිසා පීඩා විඳින ජනතාවට සහන සැලසීමට ප්‍රතිඋපකාරයක් වශයෙන් කච්චතීව් දූපත ආපසු ලබාගැනීමට ඉන්දීය ආණ්ඩුව කටයුතු කරනු ඇති බවට එරට ධීවරයන් අපේක්ෂාව පල කර තිබුණි.

අගමැති මෝඩි චෙන්නායි නුවරට පැමිණ සිටියේ ඉන්දීය රුපියල් කෝටි 13,500 ක් වටිනා ව්‍යාපෘති 11ක් සඳහා මුල්ගල තැබීමටය.

 

 


Leader Whats app

 

subscribeYT

subscribeYT

WhatsApp Image 2021 09 13 at 13.49.58