ආණ්ඩුවේ පාලනයෙන් තොරව සිංහල බෞද්ධ සංවිධාන වල බලපෑම මත රාජ්‍ය ආයතන හතරක් ක්‍රියාත්මක වන බව දෙමළ දේශපාලඥයෙක් පෙන්වා දී

තිබේ.


'' වනජීවී, වනසංරක්ෂණ, පුරාවිද්‍යා සහ මහවැලි අධිකාරිය වැඩ කරන්නේ ආණ්ඩුවේ, ඇමතිවරයාගේ පාලනයෙන් තොර සිංහල බෞද්ධ සංවිධානවලත්, බෞද්ධ භික්ෂුන්ගේත් බලපෑමෙන් ඔවුන්ගේ කැමැත්තට,'' යැයි දෙමළ ජාතික සන්ධානයේ පාර්ලිමේන්තු මන්ත්‍රී චාර්ල්ස් නිර්මලනාදන් පවසයි.


''මේ ආයතන බාර ඇමැතිලා ප්‍රශ්නයක් විසදන්න කතා කළත් එයාලගේ ඡන්ද  කොට්ඨාශයේ ඉන්න බෞද්ධ භික්ෂුන් ඇවිත් බලපෑම් කරන ඒක කරන්න එපා කියලා.''


වවුනියාවේදී වන්නි මාධ්‍යවේදීන් හමුවේ පාර්ලිමේන්තු මන්ත්‍රී  නිර්මලනාදන්  පෙන්වා දුන්නේ 1977 ආණ්ඩුව බිහිකළ මහවැලි අධිකාරිය මගින් උතුරු නැගෙනහිර පළාත් වල දෙමළ ජන සංයුතිය වෙනස් කිරීමට අද දක්වාම වෑයම් කරන බවයි.


'' 1988 මහවැලි එල් කළාපය ගැසට් කරලා අදට අවුරුදු තිස් හතරක්. වවුනියා හා මුලතිව් දිස්ත්‍රික් ඇතුලත් කරලා ගැසට් කරපු මේ  මහවැලි  එල්  කළාපයෙන් කළේ කෘෂි ඉඩම් අත්පත් කරගෙන, සංවර්ධනයේ නාමයෙන් දකුණේ සිංහල මිනිස්සු ගෙනවිත් පදිංචි කරපු එකයි. අදත් ඒක වෙනවා.''


''මේ අවුරුදු 34 පුරා මහවැලි එල් කළාපයෙන් කිසිම දෙමළ අයෙකුට ඉඩම් ලබා දීලා නැහැ.''


 වන සංරක්ෂණ හා පුරා විද්‍යා දෙපාර්තමේන්තු වලට ගොවි බිම් පවරා ගැනීම ඇතුළු ගොවීන්ගේ අනෙකුත් ගැටළු එක් කණ්ඩායමක් ලෙස හඬ නැගීමේ වැදගත්කම පෙන්වා දෙන පාර්ලිමේන්තු මන්ත්‍රී නිර්මලනාදන් කියා සිටින්නේ වව්නියා දිස්ත්‍රික්කයේ  සෙට්ටිකුලමේ ගොවීන්ට වන ජීවින්ගෙන් වන හානිය ගැන ආණ්ඩුව පියවර ගත යුතු බවයි. 

 

subscribeYT

WhatsApp Image 2021 09 13 at 13.49.58