රාජ්‍ය තයිපොන්ගල් දින සැමරුමට සහභාගි වීම සඳහා යාපනයට පැමිණ සිටි ජනාධිපතිවරයාට

විරෝධය දක්වමින් බලහත්කාරයෙන් අතුරුදහන් කරනු ලැබූවන්ගේ ඥාතීන් සහ යාපනය විශ්ව විද්‍යාලයේ සිසුන් පැවැත්වූ පෙළපාලියට හමුදාව සහ පොලීසිය විසින් මාර්ග බාධක යොදා, ජල කාලතුවක්කු  ප්‍රහාර එල්ල කිරීම දිවයිනේ පැරණිතම වාමාංශික පක්ෂයක් විසින් හෙළා දැක තිබේ.

නව සම සමාජ පක්ෂය නිවේදනයක් නිකුත් කරමින් පවසන්නේ දෙමළ ජනතාවගේ දැවෙන ප්‍රශ්න වලට ස්ථිරසාර විසදුම් දෙමින්, ඔවුන් අපේක්ෂා කරන යුක්තිය සැලසීමේ කිසිදු විශ්වසනීය පියවරක් ගැනීම සම්බන්ධයෙන් ජනාධිපති රනිල් වික්‍රමසිංහ මෙතෙක් පෙන්වා ඇත්තේ තම අසමත් කම  බවයි.

"එවන් තතු යටතේ, යුක්තිය ඉල්ලා ජනතාව තමන් ඉදිරියේ උද්ඝෝෂණයට එළඹීම අපෙක්ෂා  කළ යුත්තකි." නව සම සමාජ පක්ෂයේ දේශපාලන මණ්ඩලය ජනවාරි 16 වැනි සදුදා නිකුත් කළ නිවේදනයේ සදහන්ය.



13 වැනි  සං‍ශෝධනය සම්පූර්ණය‍ෙන් ක්‍රියාත්මක කිරීම, සමාජීය යුක්තිය සඳහා ‍ක‍ොමිසම් (social justice commission) ගැන ජනාධිපතිවරයා‍ගගේ  කථා මිහිරි විය හැකි නමුත්  බලහත්කාරයෙන් පුද්ගලයන්  අතුරුදහන් කිරීම් , දෙමළ ජනයාගේ ඉඩම් අත්පත්කරගැනීම්,  වසර ගණනාවක් තිස්සේ දේශපාලන සිරකරුවන් රදවාගෙන සිටීම හා සිවිල් පාලනයට හමුදා‍වේ මැදිහත්වීම් යන ආසන්න ප්‍රශ්න වලට විසඳුම් අවශ්‍යය බව එම නිවේදනයේ වැඩි දුරටත් සදහන්ය.



"පදවිනාමයක් ‍ලෙස නොවේ, ජනාධිපතිකමේ උරුමය ලැබ‍ෙන්නනේ එසේ යුක්තිය ඉල්ලා සිටින ජනතාවට එය ලබා දීම‍ෙන් පමණක් බව මතක් කළ යුතුය." එහි සදහන්ය.

උතුරු පළාත් මාධ්‍යවේදීන් වාර්තා කර ඇති පරිදි ජනාධිපතිවරයාට විරෝධය දැක්වීම සදහා ජනවාරි 15 වැනිදා දෙමළ ජනතාව පැමිණ තිබුනේ ඔවුන් ආ බස්රිය වට්ටුවක්කල්, අලිමංකඩ ඇතුළු ස්ථාන කිහිපයකදීම හමුදා පොලිස් භට පිරිස් යොදවා මග නවතා කරන ලද හිරිහැරද නොතකමිනි.

සිය ගණනක් දෙමළ ජනතාව යාපනයේදී වීදි බැස ඉල්ලා තිබුනේ තම ඉඩම්වල වාඩිලා සිටින හමුදාව ඉවත් කරගන්නා ලෙසය.

යුද හමුදාවට බාර දීමෙන් පසු අතුරුදහන් කරනු ලැබුවන්ගේ ඉරණම හෙළි කරන ලෙසත්, ත්‍රස්ත පනත අහෝසි කරන ලෙසත් විරෝධතා දැක්වු ඔවුන් දේශපාලන සිරකරුවන් වහාම නිදහස් කර ඒකාබද්ධ උතුරු නැගෙනහිරට ආපසු පවරා ගත නොහැකි දේශපාලන ආකාරයෙන් බලය පවරන ලෙසත් ඉල්ලා සිටි බව පළාත් බද වාර්තාකරුවෝ පවසති.

ජනවාරි 15 යාපනයට ගොස් දෙමළ ජනතා ප්‍රශ්න හැඳිනගෙන පෙබරවාරි 4 දාට විසඳුම් දෙන බව කොළඹදී පැවසු ජනාධිපති රනිල් වික්‍රමසිංහ උතුරට ගොස් කළේ එම ප්‍රශ්න සාමුහිකව ඉදිරිපත් කළ දෙමළ ජනතාවට සිංහල හමුදා පොලිසි යොදවා පහර දීම බවට විරෝධතා කරුවෝ චෝදනා කරති.

නව සම සමාජ පක්ෂයේ දේශපාලන මණ්ඩලය නිකුත් කළ නිවේදනය පහතින්.

zdfsdfg

 

 

JW

Follow Us

Image
Image
Image
Image
Image
Image

Exchange Rates