ඔහු සන්ඩේ ලීඩර් පුවත්පතේ ආරම්භක කර්තෘ වරයාය.
ආන්දෝලනාත්මක වංචා, දූෂණ ගණනාවක් සම්බන්ධයෙන් පැවැති රජයන් කිහිපයකට චෝදනා එල්ල කරමින් ලිපි ගණනාවක් ලියූ ඒ මහතා, විකාශකයෙක් මෙන්ම මානව හිමිකම් ක්‍රියාකාරිකයකු ලෙසද කටයුතු කළේ ය.
1994 – 2009 කාලයේ පැවැති රජයන් වල වැරදි අඩුපාඩු පෙන්වා දුන්නේ කිසිවෙකුටත් යටත් නොවෙමිනි.
2009 වසරේ ජනවාරි 8 වැනිදා රත්මලාන අත්තිඩියේදී නාඳුනන පිරිසක් විසින් ඔහු ඝාතනය කළේ ය.
දේශපාලන වේදිකාවල පොරොන්දුවලට සීමාවූ ලසන්තගේ මරණයට ඉටුවිය යුතු සාධාරණය මේ බිමේ සැබෑවක් කිරීම වත්මන් පාලකයන්ට අත්හළ නොහැකි වගකීමකි.
